زوجي بيطلقني ساعدوني حامل وعندي 3 اطفال

السلام عليكم
يابنات انا متزوجه من واحد مطلق وعنده اطفال من زواجه السابق واهم عايشين عندي وينادوني امهم لاني ان شاءالله عوضتهم حنان امهم وغيابها عنهم وعلاقتي مع امهم كويسه وبيننا احترام واتصال عشان الاطفال
يابنات انا عندي منه 3 اطفال وحامل ومشاكلنا كثيره جدا اولها تدخلات امه وتحرش ولدها تقويه علي مع اني والله لاجيتها البيت ما اطلع لا لين اانظف البيت كله واطلع حتى الزباله وزوجة ولدها ساكنه معهم وماتشيل حتى المنديل وماشوفها تعاملها زي ماتعاملني المهم ان زوجي قبل يوم عاشورا كان زعلان مني بسبب امه حرشت عليه تقوله لازم تمشي كلمتك ع المراءه وقام يهاوش وانا طنشته ونام لحاله بالمجلس انا ماحاولت اراضيه لاني تعبت من مشاكله المستمره والتافه جدا يعاتبني على كل شي ليش الغرفه وسخه ليش وليش وليش لين طفشني والله يابنات بيتي يلمع من النظافه واهو صايير حساس من اي كلمه اقولها له يفسرها على كيفه يعاملني عبده عنده موب زوجه مقصر في حقوقي من كل النواحي زصابره لاني احبه وادري موب منه بعد لان اذا سافرت امه يطلع معي زي العسل ويوم رجعت امه انقلب علي ميه وثمانين درجه واحترم امه رغم اني عارفه انها حرشت ولدها بس مااقدر اقول لها شي اخاف ربي يحاسبني واخاف ربي يبليني بزوجة ولد ترد علي ةوتوقف في حلقي ولحين قال تراني ملكت ياتقعدين عشان عيالك ياتروحين نفسي طابت منك
انا انهرت وقلت لا بروح لبيت اهلي وعيالي بيعيشون من غيري وانا متاكده انه ماملك بس اخاف اقعد ولا ارجع يسويها ويقول قد علمتك اني بتزوج
يابنات مااقدر اتحمل وحده تاخذزوجي مني واالله اني اغار من بنتي لما اشوفها مع ابوها فكيف وحده تشاركني زوجي وانا احبه رغم مشاكله معي واسلوبه وصابره عليه وعلى ظلمه تكفون يابنات ساعدوني وش اسوي لاتقولون ارجعي بيتك لانه بيهينني اكثر ويذلني وان سكت عيالي وعيال زوجي بيضيعون مني وبيتي بيروح وحبيبي بعد بيروح مني وابوي حلف مارجع لزوجي بدون شروط تضمن حقوقي ادعولي يابنات تكفون نفسيتي تعبانه :icon33: زوجي محافظ على صلاته وماقد مد يده علي ولا يقصر في بيته بس حقوقي مقصر معي فيها وغير رومنسي وانا جميله جدا بشهادة زوجي واصغر منه بسبع سنوات مره سالته وشهي مواصفات البنت اللي تتمناها قال وقفي قدام المرايه كل اللي فيك تمنيته يعني انا عاجبته بس وش السواة يابنات ادعولي احس شوي وانجن مابي انفصل عنه احبه