.:. السلام عليكم ورحمة الله وبركاته .:.
http://111hhheee.jeeran.com/أحلى%20فراشة.gif
أخباركم بنوتااااااااات حواء .. ؟!
من زمان ما نزلت لكم مواضيع ..
والله مشتاقة لكم حييييييييل حيل ..
أتمنى هالموضوع يا حبوباتي يعجبكم ..
يمكن تستغربون الموضوع شوي .. لكن لقيته باحد المنتديات وعجبني ..
المهمانها تعجبكم باذن الله..
طبعاً يا حبوباتي ..
الكل يعرف إن الفراش شي حلو .. حشرة لطيفة .. تتميز بجاذبيتها ونعومتها ..
ومافي أحد ما تمنى يصير فراشة ..
حتى أنا يوم كنت صغيرة .. كانت تقول لي ماما وش تبين تصيرين لما تكبرين .. ؟!
كنت أقول لها .. : " أبي أصير فراشة " ..
فراشة مو فرّاشة .. <<< لا يروح بالكم بعييييييييييد ..
طيب يا بنوتات .. إذا حنا نبي نصير مثل الفراشات .. وشلون وحنا بشر
وهي حشرااااات .. ؟!
أنا أقول لكم ..
الفراشة لما تطير تطير تطيييييييير وتوقف على زهرة .. تاخذ من الزهرة اللي تبيه ..
بكل هدوء تمد (خرطومها) .. ولو تراقبينها كأنها ما تسوي أي شي ..
وترجع مكانها .. ولو تشوفين الزهرة .. ما تلقينها تأثرت أبداً .. !!
طيب حنا وش نستفيد من هالصورة .. ؟!
إنا إذا كنا نبي شي من أحد .. نجيه باللين .. نجيه بالأسلوب ..
عشان ناخذ اللي حنا نبيه من دون ما يرفض ..
يعني أي شي بالقوة ما يجي .. عمركم شفتوا فراشة تشد زهرة بالغصب وتاخذ منها
(الرحيق) .. أكيد راح تقولون إن الزهرة نبات ما يتحرك ..
لكن أنا أقولكم لا .. تخيلوا معي :
لو تجي الفراشة بقوة وتقعد تطير وهي معصبه وتحوم حول الوردة وتوقف عليها بقوة
وتطير مرة ثانية وترجع .. الوردة أكيد أكيد ما راح تثبت بتجلس تتحرك ..
وبالنهاية الفراشة ما استفادت أي شي .. !!
وفي شي يمكن إنتم ما تعرفونه .. إن عملية (الشفط) اللي تقوم فيها الفراشة .. يبيلها دقة وإتقان .. ؛ )
مثلنا حنا يالبشر .. حتى تعاملنا مع الناس فيه إتقان .. ؛ )
فيه شي ثاني بعد ..
ما تلاحظون إن الفراشات لها ألوان حلوة .. جذااااااابة .. ومنسقة ..
سبحان الخالق ..
لما تتأملينها ما تملين أبداً ..
ألوانها تفتح النفس .. وتسر العين .. وتبهج الناظر ..
وما تحط إلا على شي حلو .. مثل الأزهار يعني ..
عمرك شفتي فراشة تحوم حول بيارة .. <<< أكرمكم الله ..
أكيد لا ..
طيب حنا وش نستفيد من هالصورة .. ؟!
مو تروحين تلونين نفسك بألوان مائية عشان تطلعين حلوة ..
تصدقين نفسك فراشة .. لا حنا نفهمها شي ثاني ..
أنا أقول لكم .. :
إنتي لما تشوفين فراشة ملونة تنفتح نفسك .. خلي هاذي نفسها تصير مشاعر غيرك لك ..
يعني لما أحد يشوفك تنفتح نفسه .. سواءاً بشكلك أو تعاملك ..
أسلوبك .. لازم تعدلينه مع الجميع .. تكونين هاديه في تصرفاتك .. تصيرين ذوق
مع الكل يعني خليك مؤدبة عشان غيرك يحبك ..
وصدقيني مثل ما انجذبتي لهالفراشة .. غيرك راح ينجذب لك من دون ما تحسين ..
لأن تعاملك حلو .. أسلوبك زين .. تصرفاتك حكيمة .. لما تبين شي تطلبينه بإحترام ..
تقدرين اللي أكبر منك .. تعطفين ع اللي أصغر منك ..
مثل الفراشة اللي احترمت الزهرة .. وبالتالي الزهرة احترمتها وحققت لها مرادها ..
صدقيني ما راح تندمين أبداً ..
طييييييييييييييب
الحين نجي للشي الثالث ..
إنتي تعرفين إن الفراشة دايم تطير فوووووق فوق ..
عمرك شفتي فراشة تمشي ع الأرض ..؟!
أكيد لا ..
طيب وش اللي نستفيده إذا عرفنا إن الفراشة تطير فوق فوق .. ؟!
أنا أقول لكم يا حبوباتي :
طبعاً هالدنيا ما تخلى من المشاكل ومن الهم والنكد والمنغصات .. ومن المغريات
ومن الملهيات اللي ملت علينا حياتنا ..
ومن أشياء دنيييييييييئة كثير .. لازم حنا نبعد عنها ..
حنا بشطارتنا نفهم .. إنا حنا لازم نكون فوق هالأشياء كلها ..
وأكبر من قرف الدنيا ..
يعني مثلاً ..
إذا كانت وحدة من زميلاتك واقفة لك نشبة .. تنشر عنك أخبار مو زينة .. وتفتن بينك وبين البنات .. وتطلع عنك إشاعات غلط .. إنتي وش تسوين لها .. ؟!
أول شي تجينها بالأسلوب .. مثل ما عرفنا أول عشان تسوي لك اللي تبينه ..
إذا ما نفع .. نستخدم أسلوب الفراشة الثاني .. اللي هو :
" التعالي فوق التفاهات "
لأن الفراشة إذا راحت عند الزهرة وما رضت تعطيها .. أكيد بتطير من عليها وبتروح لزهرة ثانية .. !!
أتمنى عرفتوا اللي أقصده ..
إنتي خليك أكبر منها .. واعتبريها شي هامشي .. لا تهتمين أبداً فيها .. يعني طنشيها واتركيها .. وهي بتتعب أو يمكن تندم .. الأهم إنها هي الخسرانة في النهاية ..
بقى شي أخييييييييييير .. نتعلمه من الفراشة ..
إنتي لما تلاحظينها تلقينها ما تحط رحالها إلا على (زهرة) ..
والزهرة شي أروع من رائع ..
يعني تطير تطير تطير وما توقع إلا ع الأزهاااااااار ..
حنا وش نستفييييييد .. ؟!
إنا ما نحط إلا على شي ينفعنا في الدنيا و الآخرة .. هي بس في الدنيا .. حنا اكتشفنا بشطارتنا الآخرة .. : )
يعني ما نقرب من أي شي مو زين .. مثل صاحبات السوء .. والزهر هنا يا حبيباتي كناية عن كل شي حلو .. سواءاً بتعامل أو أسلوب أو صديقات ..
ما تختارين إلا اللي ينفعونك ويوقفون جنبك لما تحتاجينهم .. : )
وما تختارين بحياتك إلا الشي الناااافع هذا أهم شي .. وبعدين تلتفين للأشياء الثانية ..
والحين ..
خلصت من اللي أنا اسفدته من الفراشة .. : )
أتمنى إنتم بعد تستفيدون .. مو شرط هي الحشرة الوحيدة اللي ممكن ناخذ منها عبر ..
بالعكس في أمثلة كثير بهالحياة ..
ربي ضربها لنا عشان نتعظ .. وممكن نستفيد بعد ..
حنا بتفهمنا (لتكتيك الحياة) راح ناخذ من كل شي .. شي ينفعنا ..
وما ناخذ إلا الأشياء الزينة .. مو الشينة ..
: )
أتمنى من كل قلبي إنكم استمتعتوا بموضوعي ..
لكم أطيب أمنياتي ..
محبتكم .. :
reema-2004...
