تبين العلم الوكاد زوجك ماخفى عنه اخفيه وماتبين له بينيه واضح

اما بالنسبة للتلفون مستحيل مستحيل اكلم فيه وهو جالس لانه مجرد يزعل معك يقعد يطلع كل هرجك بالتلفون

وحتى سواليفك مع خواتك وامك وحتى جيرانك لاتعلمينه فيها انا كنت اعلمه ببعض سوالفنا من باب اني اسولف معه وصار ينتقدني اذا زعل والا اذا جيت ابي اسير قال وشلون تروحين لها وهي تقول كذا وكذا بس هالحين تعدلت خلاص مافيه اذا سيرت ورجعت للبيت قبل يرجع خلاص ما اقوله اني طالعه ادري بتقولون حرام لازم تستاذني قبل كنت استاذن واذا قلت ياربي طفشانه او ضايقه هزاني تهزيء وقال امس طالعه بعدها فهمت بس شي واحد ودايم جداتي يرددنه ماخفى اخفيه وماتبين بينيه وتصدقين احس هالحين طلعت حرمه لاني حفظت كرامتي من التهزي اللي ماله داعي حتى مشاكل مدرستي اذا علمته من باب الفضفضه قسما بالله تنقلب السالفه علي واطلع غلطانه تصدقين حتى اذا شريت شي ما اعلمه خلاص تادبت وعرفت اصون نفسي بس وش عقبه بعد ما زوجي العزيز عطاني دروس بالصمت الصمت اللي يخليك موتحقدين عليه بس الا تحقدين على كل فخذه من القهر

قولي لامج تعلمج والله انها احسن منا وراح ترسخ ببالج اكثر

الله يوفقك اعملي بقول كوني امة له يكن عبداً لكي كيف تكونين امه فقط بقول :سم حاضر ونعم وتامر بالي تبي وتتطييب الخاطر كيف؟
اولاً احترامه وتقديرة في كل شي تسوين الي يحبه لاتقولين انا مأحبه المهم هو يحبه هذا يعتبر تقدير له ولرغاباته الي
تنفذينها برحابة صدر من غير تذمر حتى لو ما اعجبتك واتركي كل شي ما يحبه ولا يعجبه واذا سويتيه فيعتبره عناد منك ويقل مقدارك

اتركي القيل والقال عنده لا قالت فلانه ولا علانه لان الرجال ما يحب كلام الحريم ولا يصدقه

اذا تكلم استمعي له ولا تقاطعينه ولا تسخرين من كلامه مهما كان جامليه وامدحيه وكبريه في نظرك تكبرين في نظره

اذا قال كلام ما أعجبك او يسخر منك لاتردين عليه الزمي الصمت بيفهم على طول ان الكلام ما أعجبك
اذا زعلك وزعلتي عليه وجاء يراضيك وقالك انت زعلتي وش تقولين ؟ قولي لا ما زعلت بس اخذت باخاطري منك لأني ما اقدر ازعل
عليك من غلاك عندي وشوفي وش رده عليك بتكبرين في نظره وما راح يفكر يزعلك ويسوي كل شي يرضيك

اهتمي بلبسك وقت حظوره واتركي شغل البيت مهما كان مهم نظمي وقتك تفرغي له اذا كان موجود واتركي المكالامات وكثر الهذرة
قللي من الكلام معه الا بالي يعجبه احترمي اهله وتكلمي عنهم بالكلام الطيب الي يفرحه ولا تقولينله عن مشاكلك مع اهله او اهلك ابداً

اذا زعلتيه بسرعه راضيه وتعذري باحسن الكلام ولا تقصين له قصت حياتك او تقولين انت كذا وانا كذا سويت وقلت لالالالا انسي

دوري اجمل العبارات ولا ينام الا وهو راضي عنك
اذا كان عندك اطفال لا تبادرينه بمشاكلهم انتظري لما يريح وارتاح ابدأي بسرد المفرحه والعاديه واذا شفتيه ما تكدر قولي الي تبين
اذا طلبتي طلب ورفضه عادي لاتزعلين لأن هذا طبعهم يرفضون في البدايه واذا اسكت فترة يرجع يقولك وش كنت تبين !!
اما اذا زعلتي وتراديتي انت واياه احلمي يحققه لك الا بزعل وهذا يسبب توتر بينكم

حاولي كل فتره فاجئيه باشياء حلوة فاجئيه انت بدل ما تحترينه يطلبك وسوي تغييرات جديدة مثلا كل فتره اشتري لبس خاص جديد له طبعاً خاصة بعد سفرة او بعدما تلخصين من العذر
بكذا يبدأ ينتظر منك تجديدات ومفاجئات يسعد بها وبزيد شغفه بك

احب اقولك ان الحياة تبي صبر وتعلم حتى تقدرين تنجحين ترى حنا كذا مثلك قبل وتعلمنا والله يعيننا
واذا حبيتي شي اكثر اطلبين على الخاص والله يحييك ويسعدك

اتمنى من كل قلبي ان الله يسعدك ويهنيك وينور عليك حياتك

ذا الرجال يحيرون

كل واحد له فلسفه وعليه مافكار غريبه ماادري وش تبي

حشا حنا بمخيم عسكري مو بالبيت

ياقلبي زوجك يبيك رسميه لاتتشكين ولا تفضفضين ولا تسولفين باي سالفه ماتهمه

هو من النوع اللي اهتماماته محصوره بأشياء المفروض انتي ادرى منا فيها

وشكله اكبر منك بواجد اللي انقدك هالنقد

صح نسيت اقولك ترا الرجال تفكيرهم مختلف عنا

مايخبون سوالف الحريم والحش والاخبار

وهالامور ماتهمه وترا اغلبهم يستنقصون المرأه اللي اهتماماتها في جيرانها

وصاحباتها واخبار العالم والناس

خليه يشوفك مهتمه بشي مفيد وفعال علشان يحترمك ويحترم وقته معك

واهم شي ترفعي عنه نوعا ما وبطريقه غير مباشره

تراهم يحبون هالطريقه