معاناتي انا وبنتي المستجدة في الاول الابتدائي

الملتقى العام

اولا: السلام عليكم ورحمة الله وبركاته
ثانيا:كل عام وانتو بخير بمناسبة العام الدراسي الجديد الله يجعله عام سعد وتفوق وتيسير وتفوق من رب العالمين.
بعلمكم عن مدرسة بنتي الابتدائية..طبعا مثل ماهو مكتوب بالعنوان بنتي مستجدة..رايحين الصبح انا وياها وكلها حماس .من رمضان وهي متى تجي المدرسة..على بالها زي التمهيدي ..خاصة ودلع وحركات.
يوم وصلت هناك ومعي ولدي الصغير اللي عمره 3سنوات ونص..دخلنا الا زحمه فظيعه في الساحه وفوضى ومافي معلمات ..بس امهات وبنات ..ولقيت الامهات تفلسفوا وصفوا بنات اول طابور في انتظار احد مسؤول يجي وصفيت بنتي معاهم..ساحه مغلقة ومكيفاتها مش مفتوحه..واترك لخيالكم الواسع تخيل حر الشرقية والريحه في هذا الوقت..
بعدها قالوا اطلعوا يا امهات المستجدات انتم وبناتكم لغرفة كبيره فوق..طلعنا كلنا فوق ودخلنا غرفة كبيره فيها كراسي وتكييفها ايضا مسكر..وكل شوي تدخل علينا وحده بريموتها تحاول تفتح المكيف ماينفتح..استغرقت محاولات فتح المكيف قرابة النصف ساعه واحنا نصب عرق ناهيك عن الغبار تحسفت اني غسلت عباتي ..وبنتي ياقلبي انسدت نفسها وخبى بريق ابتسامتها..شوي قالوا ..تعالوا غرفة ثانيه ..ويلا هجوم للغرفة الثانيه عالاقل فيها مكيف بس بدون كراسي..قاموا الامهات يسحبون كراسي من الغرفة الاولى ويجيبونها للغرفة الثانية..والبنات الصغيرات جلسوهم عالارض المغبرة حتى مافرشوا تحتهم فرشة..
بعدها قاموا ينادون اسماء البنات ويعلمونهم فصولهم؟؟رحنا للفصول الفصل الواحد 38 طالبه والمكيف يصب مويه ..ومغبر ومافيه كراسي بس طاولات..ونفس الشيء الامهات كل وحده جابت لبنتها كرسي من الساحه..
ماوزعوا عليهم حلويات..ماشغلوا لهم اناشيد..المقصف مسكر ..برادات المويه فاضية..حتى البطاقات ..جت معلمه معاها كرتون فيه بطاقات وزعت عالامهات وقالت كل ام تكتب اسم بنتها ورقم الجوال وتعلق البطاقة على بنتها..كل هذي البشاعه وانا متحملة..بس اللي خلاني اطلع عن طوري اليوم الاثنين رحت وديتها لقيت معلمتها باقي ماجت والساعه كانت 7ونص ..دخلتها الفصل وقلت بروح البيت لان عندي طفل في البيت..بس وصلت البيت الا ام بنت مع بنتي تدق علي جوال وتقول تعالي خذي بنتك ترا المعلمة غايبة..خذت الرقم من بطاقة بنتي اللي معلقة على صدرها جزاها الله خير..لاجابوا معلمة بديلة ولا كلفوا على نفوسهم يدقون علينا..لولا الله ثم هالحرمه كان بنتي قعدت تهيم على وجهها لين عشر ونص..حسبي الله عليهم..وينهم لهم اسبوع يداومون ليه ماجهزوا كل شيء..اكيد انهم يوقعون ويطلعون ولا بس يتقهوون..اللي اعرفه ان المدارس ميزانياتها كبيره وينهم ماجهزوا للمستجدات برنامج ورتبوا فصولهم وعلقوا عليها قوائم الاسماء ..اعوذ بالله مره مسدودة نفسي من المدرسة بس احاول مابين لبنتي عشان ماتتحطم ..المدرسة اسمها الخامسة والاربعون في حي طيبه في الفيصلية الدمام..
66
7K

يلزم عليك تسجيل الدخول أولًا لكتابة تعليق.

تسجيل دخول

laeal
laeal
والله معاكي حق مدارسنا الحكوميه غير موهله نفس المعاناه مع مدرسه بنتي المستجده احنا الامهات انسدت انفسنا كيف بناتنا اللي بيدرسون فيها هذا غير معامله بعض المعلمات والاداريات للامهات
برنسيسا2008
برنسيسا2008
المفروض الاسبوع هذا كله لعب و تهيئه للطلاب مساكين بعضهم حتى التمهيدي ما راحو على طول على المدرسه المفروض يسوون برنامج كامل بس اش تقولين اذا ضاعت الامانه 
احساس قلب****
احساس قلب****
تصدقين هاذا خطانا احنا الامهات ليش مارحتي للتوجيه ورفعتي شكوى باسم المديره والمدرسه حقت المستجدات كيف التوجيه مايعرفووووو ليه مايطلع موجهات ويشوفوا اللي قاعد يصير من اهمال للطالبه من يرفع معنويات الطالبه بعد هالاستقبال اللي يسد النفس كيف يتهنوووو برواتبهم ويحللوهااا.........خافوا من العقاب والحساب
ام جنى1408
ام جنى1408
يمكن علشان الحي جديد......ناهيك عن الخاصه مماطلين فينا لين بكره
بلنسيا
بلنسيا
والله ضيقتي صدري انا قبل 18 سنه وقت كنت بصف الاول كانو يسون لنا برامج وحفلات وحركات المفروض يتطورون مو يزيدون فشل والله ضيقتي صدري على بنتك المسكينه