السلام عليكم ورحمة الله وبركاته
شحالكم بنات شخبااركم ...!!
كلنا نعرف ان الشعر تاج جمال المرأة .. وعشان نتوج هذا الجمال ، كل الي ابغاه انك تقرين المكتوب وراح تعرفين المطلوب ..
الموضوع الي راح اتكلم فيه اليوم مهم مهم مهم !! عرفتوووا يعني شنو مهم !! يعني ابي تطبيق بحذافيره.. معليش راح تتعبون من القراء بس بين السطور معلومات مرة مهمة ومرة مفيدة وهي المفتااح للحصول على شعر خالي من المشااكل
لأنوو كثاآآر الي يشتكون من تقصف الشعر وان باهت وجاف ويتساقط ومتشقق وتالف ومعدوووووووووم ومفيش حيوية بلمرة ومايطول،، طيب كيف نحل المشكلة؟؟
خلطات وعسل وبطيخ وبيض وزيت وقهوة ورمان وملح و و و و و ... الخ ؟؟؟؟؟؟؟؟؟؟؟؟؟؟؟؟
الحل يا ست الكل انك تعرفي الاسباب حقت المشكلة عشان تقدرين تحلينها... مو تجين وتلخبطين واي كلام ينقال حقج تسوينه او ينقص عليج... خلج قدها واسمعي الموضوع زين .. انا كل الي راح اكتبه عن تجربة شخصية بعد معاناة مع شعري ... وكيف وفرت له الجو الملائم عشان ينمو ويكون بصحة افضل وخالي من المشاكل
المشكلة ...
شعري كان حلو ويضرب فيه المثل كثيف ولسه كثيف ((طبعن شي وراثي خلقي مدري ايش )) لكن الزمان جااااار عليه لاني لما كنت بابتدائية عملو لي تمليس حق البزارين لانو في تموجات جدا خفيفة .. كذا عشان ستايل وللاسف بدال ما نكحلها عميناها .. احترق جزء كبير من شعري وصارت لي فراغات وطلع شعر جديد.. وبعدها مشكلة المراهقة والشعر يتغير وانا بصراحة ماكنت اهتم غير الشاور بأي شامبو بعدها على طوووووول استشواااااار ثلاث مرات بالاسبوع تقريبا ولا عناية ولا حاجة .. !! ايش تتوقعي .. اكيد شعري صاااااار مكنسة (مخمة قش على قولتنا ) وكل مشاكل الشعر فيه
الحل هو اني اتخلى عن النظرة الدونية الى شعري .. واعدل سلوكياتي الخاطئة المتخلفة .. معاي ولا شنو ؟؟
الخطوات تبدي من هني
1- قصيت شعري قصة متساوية الاطراف ومن قدام خليت الغرة او القذلة مقطعة متدرجة ..
ليه ؟؟
عشان تلاحظين نموه ونتخلص من تشقق الاطراف وتقصفها ونخليها متساوية مرتبة وبالنسبة للغرة تغطي الفراغات الي جدام وتعطي كثافة وشكل وحجم للشعر ريثما نبدأ بالعلاج الحقيقي للشعر. وعشان يتساوى الشعر المتقطع والمتقصص من قدام مع الغرة .. فهمتووني ؟؟
جذي مثل قصة شعري بالضبط .. متساوية لكن اراوند بشكل دائري
2-قطيت كل فراشي الشعر ومشطاتوو الي مامنها فايدة واعتمدت مشط واحد اتحداااااااااااااااااااااااااا حد يجيب لي زيوو .. لاني صراحة استمتع وانا امشط شعري فيه تحسين روحج طايرة بالهوا..
ليه ؟؟
هذا المشط من بدي شوب وهي اكبر فرشاة عندهم حق الشعر وكل ماكانت الفرشاة اكبر كان التمشيط وفك الشعر اسهل ومايتقطع وتخلصين في غضون ثواني وراح تشوفين سهولة التمشيط
3- الزيوووووت (هنا الطريقة الصح لتزييت الشعر)
ليه ؟؟
الزيوت تغذي الشعر وهذا شي متعارف عليه قديما منذ علم الايورفيدا.. وكل وحدة تستعمل الزيت الي يناسبها انا عن نفسي استعمل مرتين بالشهر الى ثلاث مرات زيت ترشوب المعرووف مقطع فيه فلفل اخضر حار .. اسخن الزيت واحطه .. طيب كيف طريقة احطه ؟؟ خـــــطأ انك تغرقين راسك بالزيت وتخلينه مايتنفس خير شر انا عن نفسي اخذ شفتو (القطارة حقت الاذن او الانف لما تكونو مريضين سملة عليكم .. وهذي حقت الحقنة الي فيها ارقام بس من غير ابرة او يستعملونها حق نسقي الاطفال الدواء).. بعد ما اخذ الزيت الدافي اعبي القطارة وافرق شعري فروق متعددة من مقدمته لنهايته وفي كل فرق اقطر نقاط واسوي مساج لشعري والي يبقى من الزيت في القطارة احط منه على الاطراااااف.
كلمرة قبل الاستخدام سخني (تراها مرتين بالشهر او 3 مرات) وهذا نموذج حق القطارة .. استعملي وحدة فاضية مو جديدة:04:
4- غسل الشعر ..وكيفيته
تاخذي طاسة ولا وعاء وتعبينه ماي وتخلطي مع الشامبو ..لأن اكبر غلط انك تحطين الشامبو مباشرة على الشعر ..تعرفي ليه لانك لازم ماتنسي ان الشامبو مادة كيميائية لازم تخففي تركيزها.. وبعدها تاخذين هلمزيج وتحطينه على راسك .. يسلام وشوفي الرغوة والنظافة من غير اتلاف الشعر.
5- حمام الزيت رجائن لايطول عن خمس دقايق انا استعمل فاشكووووووووووول بالثوم او بالحرير .. حطيه فقط على الاطراف
ليه ؟؟
لان اذا حطيتيه على الفروة راح يسد المسامات لانو زي المادة الشمعية
6-الماي الساخن والمالح عدووووو شعرك.. يعني انا ماقولك استعملي ماي بارد وموتي نفسك من البرد .. استعملي ماي اقل درجة حرارة بحيث انتي تقدري تستحمليها، والاملاح الي بالماي تحطون فلتر في خزان المياه حق بيتكم .. هذي بسيطة ومتوفرة وهو امانة امانة انا مو حاطة لان انا اشوف المياه الي فيها املاح تكون اكثر فائدة لبشرة الجسم لكن قبل نهاية الشاور اشطف شعري بماي عذب حق الشرب..خلي قارورة صغيرة حق الشطف النهائي
7- بعد الشاور
زي ما قلنا نمشط بالفرشاة لكن مهب بعد الشاااااااور مباشرة والشعر ينقط.. لأ !! ولا بعد ماينشف خير شر .. ابداً .. بل بعد ماياخذ له وقت وانتي لافته بالفوطة ويكون فيه رطوبة بس ماينقط ماي يعني فيه (نداوة) ، وتقسمينه اربع اقسام وتمشطيه واستعملي الكريم المناسب انا استعمل هملايا بالبروتين .
8- في حالة الغسل المتكرر للشعر.. انصح باستعمال شامبوهات ماتجفف الشعر زي (شامبو التعويض نيفيا الي فيه خط برتقالي) ، انا بالنسبة للغسل في حالة الشعر يكون مزيت استعمل شامبو اقوى من نيفيا .. زي برت بلاس او غير ..... ( نيفيا حق الاستعمال المتكرر)، والشعر الجاف رجائن بنات حاولي تخليه نظيف قدر الامكان تبتعدين عن الملوثات والغسل لا يزيد عن 3 مرات بالاسبوع.. الشامبو كثير نسبة العطر ممنوووووووووووووع ممنوع لانه مصدر التلف وحك الشعر وياثر على الفروة
ملخص التجربة مع بعض النصائح ..
-تقليم الشعر مرة بالسنة على الاقل من شأنه ابقاء شعرك صحي ..
- الفرشاة الملائمة كل ما كانت اكبر واسنانها متباعدة كانت افضل واقل تقطيعا للشعر وانصح بحقت بدي شوب، ومع الوقت بتشوفين كمية الشعر المتساقط اقل من الفرشاة التجارية العادية
-الزيت الي يناسبك مو شرط يناسب غيرك.. وتغذية الشعر تبدأ من الفروة ومن داخل الجسم عن طريق التغذية السليمة والغذاء المتوازن المتكامل.
- ابتعدي عن الماء الساخن والمالح.
- لاتكوني عنيفة مع شعرك ابدا ومشطي بهداوة وعطيه حقه ووقته ..
- ابتعدي عن التجفيف التصفيف المفرط للشعر .. وخلي بس بالمناسبات او لاتكثرين منه
كلمة اخيرة ...
شعرك امااااااانة في عنقك لانو نعمة من عند الله ، عامليه بشكل افضل وترى كل الي مكتوب بين السطو هذا ليس الا تغيير في السلوكيات الخاطئة الي حنا جالسين نسويها بشكل مستمر.. بالاضافة لطرق التزييت الصحيحة للشعر ثلاث مرات والي تحب تستعمل امبولات فيتامينات بعد غسل الشعر ..فقط
وتذكري شعرك زي الطفل .. كل ما وفرتي له بيئة صحية ملائمة وعاملتيه بشكل ممتاز وحميتيه من العوامل الضارة.. كل ماحصلتي على نتيجة افضل ç يعني شعر صحي بلا تقصف ولا تساقط و كله طول وعافية ويضرب فيه المثل
مو هذا طموحكن بالجمال يبنات ؟؟
والله على ما أقوله شهيد
والسموحة على الاطالة
وأي استفسار انا حاضرة
والي يعجبها الموضوع .. ايقونة شكرا ودعاء من القلب بالتوفيق في الدنيا والاخرة..
انتبهو يبنات انتو اعقل من جذي وشمي الشامبو قبل ماتشترينه اذا ريحته نفاذة او مناسبة
وشوفو هنا سهولة تمرير الفرشاة الكبيرة بين خصلات الشعر لتقليل تقطعه