عزيزتي مكن طريقتج في الكلام معاه تحتاج الى حزم اكثر مش بالضرب لا ..وعدم الكلام معاه بعد ما تفيده لانج اصلا رجعتي وانتي صالحتيه وشكله متأكد من هالشيء وينتظرج بدل ما انتي تنتظرينه يتاسف ...ضعف الام يخلي الطفل يتعلم يصير الام والام الطفل وياخذ اللي يبيه منها بدون ما تحس ..احزمي امرج معاه وقوليله وانتي تناظرين بعينه وجها لوجه وبصوت مرتفع شوي بعد المدرسه ترجع للبيت ما تروح مكان ثاني وباتظرك عند الشباك .واذا ما استجاب وسوى اللي يبغيه اول ما يرجع البيت قوليله وين الاتفاق اللي اتفقنا عليه انت ما تعرف ان المسلم ما يخلف بوعده وانت كبرت وصرت ريال ولازم توفي بوعدك واتفاقك وبنفس الحزم الاول وبنبره الصوت نفسها وناظريه بعيونه واذا نزل عينه قوليله شوف عيني لا تنزلها وبيني انج غضبانه منه مب زعلانه او ما تكلميه بالعكس كلميه بحزم و وكلمي ام الطفل اللي يروح عنده انها تخليه يكلمج بالموبايل ويستأذنج اول او ما راح تقدر تخليه يروح معاهم البيت ..واذا التزم بالوعد والاتفاق قوليله اول ما يرجع ..بحضن كبير والله وصرت ريال وتلتزم بمواعيدك واتفاقك الحين اقدر اعتمد عليك ..وبتلاقينه يستانس لان اغلب الاولاد يحبون اللي يعاملهم بانهم كبار ..وابدي ادعي بعد كل صلاه ان ربي يهديه لج ويجعله من الطائعين وليس من العاصين

ههههههههههه يا حياتي ذكرني باللي كانو اخواني يسونه وهم صغرا حنا كنا مثلكم بمجمع سكني

والله ما يدخلون الا الين امي تدخل كل بيت تدورهم هههههههههههههه

ربي يصلح ولدك ويخليه لك

رفع

لازم ابوه يتخذمعه موقف حازم ماينفع انتي بس وماراح يخاف منك كثر ابوه

ياعزيزتي ياأسماء .. كل هذا سويته كلام جاد وووجه بوجه وأنزل لمستواه
ولا فاد ..
ولما استجاب لي مرات كنت مثل ماقلتي أضمه وأسولف وياه كصديقة وأبوه نفس الشيئ
بالمواقف ذيك يكلمه بحدة واذا استجاب تعالي شوفيهم أصدقاء مو أب وابن الحمد لله ..

ونقطة هنا .. المرات اللي أبوه يمسكه فيها أنا أشيل يدي وأبوه هو اللي يتفاهم معاه
والعكس صحيح .. يعني الحمد لله من هالناحية محد يتدخل بشغل الثاني بيننا ..

أما أم زميله كلمتها مرتين وقلتلها برجاء انها ماتخليه يدخل وهي شايفه شنطته معاه الا لما يروح البيت ويستأذن
وكان ردها : أطرد الولد ؟ عيب وقلتلها ماعليكي هذا ولدي وعلى هالحالة لحد أمس السبت ..

أنا لما ذكرت كل شيئ جربته يعني كل شيء ..
وتصدقين بالله أمس السبت وبعد أسبوع كان ماشي شوي صح
والله مادخل بيتي الا بعد المغرب ..
وقبلها بشوي كلمت بيت زميله وكانت واصله معي ورد زميله وفهمته انه مايدخل ولدي للبيت الا بعد استأذاني
لأنه هو يسويها وما يجينا الا باستئذان .. والولد وعدني

بس لما دخل أمس متأخر زي ماقلت واصله معاي فقمت وضربته لأول مره في حياتي
والله بعدها طلعت أبكي ..
وبعدين لما بدينا نذاكر دروسه وواجباته قعدت وجها لوجه معه وفهمته بحدة
واليوم الأحد جا بدري الحمد لله والله يتمم عليه ..

ومشكورة أختي على اقتراحك .

جودي ومجودي .. شكرا اختي وزميلتي أمس حكتلي نفس الشيء
كان يصير مع اخوانها وأمها هي اللي تدورهم .

رهمو .. مشكوووووورة