للأسف أول مره أسمع عن المحل لاني من أبوظبي

بس أكيد اليوم الجمعه بشوف الاعلان في الوسيط :)

بس ان شاء الله من أول ما أجربه والله بخبر كل الاهل انهم ياخذون من عندكم لان المنسابات ما شاء الله في كل اسبوعين و زود

و غير هذا كله لازم البنات يتساعدن و خاصة بنات البلاد والمقيمات يعني أحسن من الشركات الاجنبيه

والله يوفقج ان شاء الله و عقبال ما تفتحين الفرع العاشر في دول ثانيه غير الامارات

بالتوفيييييييييييق

الأخت أفراح أمه
أشكرك على تواصلك معانا وأتمنى فعلا إن المحل يعجبكم وأنا مستعده لأي نقد أو إقتراح تقولينه وجزاك الله خير

هلا اختي اورجنزا..

والله استانست يوم شفت اسمج من زمان ماشفتج في المنتدى :)

مبرووووووووك على فرع بوظبي وعقبال ما تفتحين فرع عندنا في دبي ;)

تحياتي لج
غزلان :)

مرحبا أختي غزلان الصحارى
وأنا مستانسه فيكم وايد والله يبارك فيك وأتمنى فعلا بفرع للمحل في دبي وماتقصرين

ألف ألف مبروك أختي أورجنزا على افتتاح المحل
وأنا أقول وينها أورجنزا هالفترة؟؟؟ تولهنا عليج يا الغالية
وأنا من فترة يالسه أدور على شوكليت بكميااااااات...وأدري إنج راح تفتحين المحل في بوظبي وقلت اترياج لين تفتحين المحل عقب آخذ منج....
لأني ذقت الشوكليت من عندكم ربيعتي يايبه لي من الشارقة...بس شو عجييييييييييييب
ولا الترتيب هذا بصوب قمة في الإبداع والابتكار... الصراحة بالأول قلت مب كاكاو شرات التحفة الزينة... عقب عرفت إنه كاكاو ما هان عليه افتحها من زينتها الحلللللللللللوة...
وإن شاء الله نكون من الزبائن الدايمين للمحل
ما شاء الله على بنت لبلاد :)

عاد ما قلتي لينا متى يفتح المحل(ساعات العمل)؟

وموفقة يا الغالية ويسعدج دنيا وآخره