وبكذا تكونين اجتماعية

اختي الغاليه هذا شي يعتمد على شخصيتك وثقتك بنفسك
انصحك ان تقرين كتب عن التطوير النفس وعندك هالنت في مواضيع تتكلم عن تطوير الذات الى الافضل
وشوفي مقاطع ومحاضرات في اليوتيوب عن تطوير النفس وانصحك تسمعين لدكتور طارق الحبيب
حاولي انك تبتعدين عن الافكار السلبيه اللي براسك وانتي تعرفينها مثلا اخاف ازعجها, اخاف شكلي مو حلو
اخاف سوالفي ممله, اخاف انها تكرهني .. الخ ابتعدي عن هالافكار
حاولي انك تبحثين عن الاسباب اللي خلتك انسانه انطوائيه يمكن تعرضت لمواقف صعبه ومحرجه سببت لك عقده نفسيه حاولي تعالجينها وتجدين لها حلول
وايضا ابتعدي عن الاشخاص اللي يحطمونك ويهزون ثقتك بنفسك
وخالطي الناس اللي ترتاحين لهم نفسيا وابدئي سولفي معهم واحتك فيهم واستمعي لهم اكثر من انك تسولفين
واسالي عنهم وعن اخبارهم ابتعدي عن الاسئله عن حياتهم الشخصيه وانتي بعد انتبهي تتكلمين عن حياتك الشخصيه
خلي سوالفك عامه
وبعد ثقفي نفسك وتابعي الاخبار اولا باول حتى تلقين سوالف تسولفين فيها وعندك خلفيه عنها
وانصحك انك تسالين اخصائيه وتستفسرين منها عن حالتك وان شاء الله انها تفيدك
وخلك واثقه من نفسك وارسلي الافكار الايجابيه الى مخك من كلمات تعزز الثقه بنفسك
والاهم من كل هذا قوي صلتك بربك وتقربي اليه بالطاعات وقراءة القران وسوي اللي يرضي ربك وابعدي عن اي شي يغضبه
والله يفرج همك ويرزقك الصحبه الصالحه اللي تعينك على الخير

الشخص الذي يريد أن يكون مع الناس لا بد له من صفتين
حسن الخلق والصبر على أذى الناس
إنتبهي من الوحدة في غير ذكر أو عباده او حاجه ملحه كعمل
قد تسبب لك الأمراض النفسيه
مثلاً إذا أردتي الذهاب لأحدولمح لك اوقال أنه مشغول إذا كان صادقاً فعذريه
وإن لم يكن كذالك فقد يكون عنده عذر والمسأله راجعه لتقديرك وطباع الناس تختلف
ولا تتعلقي بوجود أحد من الناس في حياتك تعلق شديد فخير الأمور الوسط
والله أعلم
 

يا اختي كذا احسن لك هالزمن صار الاختلاط بالناس كثير ماوراه غير الذنوب والعداوات

ما أقول تنطوي على نفسك لكن كل شي بإعتدال حلو

لا اله الا الله