و انا بعد كنت اراجع عند الدكتورة توحيدة اللي بمستشفى الموسى
و الحمد لله ولدت على ايدها
و المستشفى محترم عناية و نظافة
و وقت الولادة يسمحون بخول الام او الزوج وقت الولادة
و الله يسهل عليش

مرحبااااااااا خواتي ..

بالنسبة للدكتورة توحيدة بالموسى ممتازة كثير و ترتاحين لها.. لكن المستشفى بشكل عام ماسمعتهم يمدحونة.. فأنا بس سويت متابعه عندهم وسويت السونار رباعي الابعاد وبينوا لي جنس الجنين وعطوني صور له وسي دي في الجنين وحركاته..

لكن بالولادة مقررة بإذن الله اولد بمستشفى الأحساء كثير من صديقاتي ولدوا فيه ويمدحونة وانا ولدت فيه ببنتي البكرية وبصراحة مريحين جدا ً..

وسمعت من قريبة لي ان مستشفى العيون ممتاز وكأنه خاص اللي في منطقة العيون ويولدون حتى البكرية..

بس بصراحة مستشفى النساء والولادة احس انهم سفاحين وكل وحدة وحظها مرات يجيك طاقم كويس ومرات لا .. ويصرخون على الوحدة ولايراعون .. حتى الاطفال مو ذاك الاهتمام بنت عمي توها ولدت فيه وبنتها تخيلوا ما اخذتها الا هي مسويتها على نفسها( اجلكم الله ) وتاركينها وتبكي من الجوع وتاركين الرضاعه بسريرها ومو مهتمين..

والمانع في اللي يمدحه بس يقولون الاحساء افضل وتحسين بالمانع كئييييب مرة ..

وانا قريب اولد واذا رحت الاحساء رجعت تكلمت باللي صار لي اذا بقى الموضوع لاني كم يوم شكلي وبولد..

والله يسهل علينا جميعا ً ويقومنا بالسلامة ويرزقنا اطفال اصحاء ..


أم ريماس..