<<<مطول الغيبات جاب الغنايم
المهم قبل اسبوع تقريبا كنت قاعده انا واختي الا وهي تبدل قدامي وانبهرت والله انبهرت بقوه لونها متفتح تخيلوو وهي نفاس لونها احسن من قبل الولاده
وانتو تعرفون الكلف والخرابيط مع العلم انها ماتستخدم اي شي لانها ضد الاستحمال الكثير اثناء النفاس وحتى الحمام المغربي بتسويه بعد ماتخلص كورس النفاس لان القعده الطويله في الحمام تضر على قولتها
قلت لها خلصيني وش مسويه قالت ابد ماسوي شي الا اني اغسل جسمي بصابونة المنجل وليفة بودي شوب اللي على شكل غفاز واذا طلعت تدهن جسمها بزيت اللوز
<<<<<انصدمت
معقوووله؟؟؟
لو ماهي اختي وربي ماصدق كلامها
المهم وش سويت اذكر وحده مغربيه قالت لي ابشري صابون النمجل اللي هي صابونة الكف لها اسمين
وانقعيها في ماي ورد وعقب حطيها بعلبه وحطيها بالوجه على شكل ماسك كل اسبوع لان بشرتي دهنيه
وانا مسويه الخلطه وماسويها لان عندي اشياء كثيره استعملها
المهم صرت كليوم اغسل وجهي بالخلطه الصابون مع ماي الورد غسيل عادي
وش اقولكم ؟؟؟.؟
بشرتي صارت طبيعيه وبعد ماكانت تقرفني حياتي الحين معتدله الين وقت النوم واغسل مره ثانيه واحس لونها حلوووو وراح الشحوب
انا بشرت وجهي بيضا بس الصابونه لمعتها على قولة اختي خلت فيها صقله
واخذت قطعه من الصابونه لان اللي عندي حجم كبير وخليتها على مغسلة الحمام واغسل بها يدي كل مادخل الحمام واحسها نظيفه انا ماقول اني تفتحت لان ماصارلي اربع ايام بس احس بنتيجه بتخليني استمر واختي مشالله فادتها كثير
وبعد ماغسل يدي فيها ارطبها باي مرطب وخلاص
على فكره الصابونه طبيعيه جدااااااااااا مالها اي اعراض جانبيه وتوجد بالمغرب ومو غاليه ابدا
يالله شدو الهمه ياحلوات
وهذي صوره مرفقه
صابونة المنجل
صابونة الكف
ترا كلهم واحد بس تختلف المسميات وفيه بالمغرب يستخدمونه لملابس الاطفال لانه اااااااااامن ولا يجيب حساسيه او للي فيهم اكزيما وحساسيه
تحيااااتي اي استفسار لايردكم الا السانكم