أخبار الجميع .. ان شا الله طيبين ..
كل رمضان وانتم بخير يارب .. اللهم أجعلنا من صوامه وقوامه ..
..
في رمضان كل وحده من الحريم تتفنن بصنع الحلويات وتحب تكون كل يوم لها نوع .. وان شا الله نية كل وحده منا انه تفطير صائم .. عشان ما يضيع وقت الطبخ هبااااء .. يعني يكون بأجر إن شا الله .. لأننا نجلس وقت طويل بالمطبخ .. وان شا الله يكون على أجر ..
المهم ..
اليوم أنا جايبة لكم لقيمات صارت لها سالفة ..
طبعا أنا ساكنة بعيدة عن أمي يعني هي بالرياض وأنا بالدمام .. وفي يوم ما .. أشتهيت لقيمات أمي مرررررة .. طبعا أنا ما أقدر أسوي زيها .. بس ع الأقل شي بسيط ..
سويتها أول مرة وأعجن بإيدي الى جاني شد عضلي .. وأغلفها بكيس وأنتظرها سااااعة وشوي .. وأروح أفتح الكيس .. والعجينة ما انتفخت ولا شي .. لاتقولون نسيتي تحطين خميرة لا والله حطيت ..
المهم خربت العجينة .. وأطلع بف باستري من الثلاجة وأحشيه جبن وبالفرن .. وأنا منقهرة على اللقيمات اللي خربت ..
ويوم كلمت أمي وقلت لها السالفة قالت يمكن الخميرة قديمة .. وأشوف التاريخ أثره باقي لها شوي وتنتهي مدتها ..
وأشتري وحدة جديدة .. وأسوي لقيمات أم الطواري وتضبط معاي الحمدلله ..
^^
قرقها واجد ههههههههههه
..
المقادير
بالخلاط
{{1كأس حليب دافي
1علبة صغيرة جبن شيدر
1ملعقة صغيرة نشاء
1ملعقة صغيرة خميرة << وانتبهي للتاريخ لا يصير لك زي اللي صار لي ..
شوي ملح
وشوي سكر }}
نصب الخليط على كأس ونصف دقيق .. ونعجن الى تصير عجينة مو قاسية زي الفطاير ولا لينة مرررة << كلام أمي
نخليها تتخمر لمدة ساعة .. بعدين نبدا نمسكها باليد اليسار والملعقة باليمين وناخذ وبالزيت .. الى ان يمتلي الزيت باللقيمات ..
وبعدين نبدأ نحرك نحرك نحرك الى يصير لونها أشقر بعدين نطلعها من الزيت ونصب عليها شيره ونقدمها ..
وبالعافيه على قلوبكم ..
وأشكر أمي اللي كانت تغصبني قبل الزواج اني أسوي اللقيمات .. ونفعني الحين ..
ما شاااااااااااااااء الله تبااااااااااارك الله ..
هل تخليها شوى تنقع فى الشيرة او تدخلى اللقيمه وتطلعيها وهل لازم تكون سخنه