قصة ولادتي مع الرائعه الدكتوره خالده العتيبي في مستشفى حبيب الريان

بسم الله الرحمن الرحيم

ولدت الحمدالله ولاده ميسره وسهله يوم الاحد 8/4/2012وجبت احلى لينا

كان معاي على قولتهم من اول مادخلت التاسع سواليف وطلق غير منتظم وقبل ولادتي باسبوع رحت لدكتورتي وكشفت لقت الرحم مفتوح 2سم قالت لي اذا ماجاك طلق تجيني الاسبوع الجاي اعطيكي طلق صناعي علشان حجم البنت لا معي سكر وماتبيها تكبر اكثر
المهم لما جا يوم الجمعه اخر يوم لي في التاسع بديت اخذ من هالخلطات وامشي قرفه وكمون وزنجبيل واخذت حليب وعسل واخذت زعفران ودهنت بطني بفقس وظهري بس ماحسيت بفرق كبير لما جا السبت قررت اخذ خروع مع اني كنت مرررررره متردده ايه نسيت اقولكم جبت حلتيته بس وعععععععع ماقدرت اشمها جدااااااا مقرفه
اخذت خروع بطعم الفراوله وخلطته بعصير فراوله وشربته على الساعه 10:30مساءا ومشيت تقريبا نص ساعه وبدا مفعوله على الساعه 12:30 ورحت الحمام وبدا الطلق يشتغل وانا اتصبر الا ماصار كل 5 دقايق وادخل اتروش بمويه دافيه واتجهز والبس واصحي زوجي وادخل على بناتي وابوسهم ورحنا المستشفى
دخلوني اخذو وزني وطولي وحطو الاجهزه علي وقلت لهم يكلمون دكتورتي واني ابي ابرة الظهر وجت الدكتوره المناوبه وكشفت لقت مفتوح 4 الى5سم وراح زوجي يسوي الاوراق وطلعوني غرفه الولاده وجاني دكتور البنج الله يسعده يمني اسمه محمد الوزير ممتاااااز يشرح شرح وافي وضرب الابره وقعد يطمن على ظغطي وكل شوي يتصل يتطمن
بعدين جو بيفتحون مويه الراس وفتحوها وجت الدكتوره الله يسعدها دنيا واخره ماتحسسك بخوف ولا تحسسك انك تولدين تسمي عليك وصوتها هادي وعاد انا اختي معي تساعدني الله يخليها لي المهم كل ماجت طلقه قالو ادفعي واناا ادفع يمكن 5دفعات الا طلعت بنوتي وحطوها على طول على صدري لونها ازرق وشفطوولها وصاحت يسعدها ربي
وخيطتني الدكتوره خياطه تجميليه طبعا سعرها مختلف 2600 وابرة الظهر 1890ريال وحطولي قسطره وطلعوني جناحي بس ماخلوني اغسر ولا اتحمم الا بعد 5 ساعات علشان القسطره والخياطه التجميليه
وانصح كل حامل بحبيب الريان مره ممتازين صراحه ومريحين جدا
وتوته توته خلصت الحدوته