حبيباتي اليوم حبيت انقل لكم الطريقه المزبوطه ....!
لي الصياديه ....{ المهم ندخل على المقاير على طووووولـــــ..
{ المقادير الكميه تكفي لي 7 اشخاص .....}
-1 السمك 20 - 2 لطبخ الرز والباقي قلي
2- 3 ونص كوب ارز ابو كاس
3- 8 بصلات كبار لو تبغي الصياديه بني محمر لو اغمق كل كاس ارز 4 بصلات مو اكثر عشان ما تكون مره
4- نصف كيس حمر = يسمي تمر هندي كمان
5 - بهارات تتكون من 10حبات هيل + 3 قرفه لا تكون اكثر عشان ماتكون مره + ملعقه بهارات
مشكله مطحونه + 5 حبات قرونفل + ليمون ناشف + ورق غار على حسب الرغبه
6 ملح
الطريقه
اول شي نقطع البصل شرائح كبيره عشان ما تشرب الزيت
8 حبات بصل وبعدين نفس القدر الى بنطبخ فيه نحط في زيت لين يسخن نرمي البصل
كلو اهم شي لمن ترميه في الزيت اياكي تحركي كثير يعني بس فرقي البصل عن بعضه وخليه
لين يصير لونه بنه غامق شوي لمن يصير اوكي شيلي القدر بي قفازات وامسكي البصل بي
ملعقه وصفي بس الزيت الى في القدر في قدر تاني وصبي على البصل ماء ساخن واضيفي
الملح وكل البهارات والكمان الحمر يكون منقوع في ماء ساخن نخرج بس البذر حقه وحطه على
البصل مع البهارات ونخليها تغلي غليه وحده وبعده ننزل السمك السمك حق الطبخ يكون
بياض او كنايه او توينه او هامور افضل شي في الصياديه ويخليها ودسمه نخلي السمك يطبخ مع
لمده
ما بين 15 الى 20 دقيقه ونخرجه لو طبخ اكثر ينهري في المرقه الرز لازم يكون متماسك السمك
بعد ما نخرجه نصفي المرقه من البصل والبهارات بعد ما نصفيها نتاكد من الملح لو اوكي ولا
بعده نرمي الارز ونغطي عليه لين يستوي
والسمك الباقي نقليه
بس انا بعلمكم سر من اسرار قلي السمك زي المطاعم يعني ناشف ولا نقطه زيت ايش هو
السر تعالو اقول لكم
السر هوا بس ماء في طشت صغير يكون الماء على حسب
كميه السمك ونحط له على قد كف اليد مرتين ملح خشن طبعا بعد تنظيف السمك
ينقع قبل القلي ولا تخرجينه من الطشت اوك ثاني سر الزيت لازم يكون ساخن ويكون الصاج
غويط ولمن تشيلي السمكه خليها تنقط المويا الى فيها مو ترميها كذا ولمن تحطينها بالزيت
لا تحركينها ابد بس لمن تشوفي لونها دهبي خرجيها وبكذا يجيلك سمك متل المطاعم وبالعافيه
على قلبكم حبيباتي وربي يا بنات صورت صور من قلي البصل وششكل السمك بعد القلي
وخطوات بسيطه وشكل الاكل بنهايه ما خلوني اصور بسرعه صورت صورته وحده وهجمو على
الاكل ماشاء الله مسح مابقي شي هههههههههههههههآآآآي صارت حرب الله لا يوريكم بالقوه
وخربت الدايت اليوم بس الصياديه تستاهل هههههههههههههههآآآآآي خربتها
حطيت غرفه لجدتي اتمني تجربونها والله الكل راح يمدحك زي ما مدحوني اليوم الحمد لله
اتمني تدوني موقع صور بسرعه عشان انزل لكم الصور وتشوفون بنفسكم :love:
واخيرا رفعت الصوره دي بالقوه بنات باقي الصور ما تتحمل :mad:
تسلم ايديكي
بس ياليت توضحيلنا السر الاولاني