اعرف واحد يمد ايده على زوجته على اتفه سبب واذا راحت عند اهلها تشتكي قال لها اذا ما رجعتي فما اضمن لك ان مكانك يكون شاغر واللي جابك يجيب غيرك والبنات يا كثرهم في البيوت من غير زواج

ويساعدونه اهلها ويرجعونها له بحجة انه زوجك وما عندنا بنات تتطلق
بالله عليكم اللي زي هذا كيف يتادب واللي زي هالمسكينه كيف تاخذ حقها وتحفظ كرامتها:(

الحل الصحيح هو انك تطلعين من البيت ولا ترجعين الا اذا حضر أحد أهله و يكتب تعهد انه ما يكررها وخليه يوقع في وجود شهود واذا طلعتي خليله العيال عشان يعرف فضلك

الرجال اللي يمد يده على امراءه مو رجال
الله يعينك اختي ويصبرك عليه حاولي تلقين حل وماتقعدين على ها الوضع

اذا ضربك في نفس الوقت مشخي باظافرك في مكان ظاهر فيه
المرات الجايه بيفكر الف مره قبل ما يمد يده

مع كل كلمه قالتها الاخت الريال اللي يمد ايده على مرته مو ريال لانه الريال ما يستقوي على مره
اذا مد ايده عليج هالمره راويه العين الحمره و خليه يعرف ان عندج كرمه و انج ما بتستحملينه يضرب فيج ليل و نهار .
انتي محتاجه تفرضي احترامج لانه اللي ما يفرض احترامه محد بيحترمه,
شخصيا لو الله لا يقوله زوجي يسويها اول شي خطر ببالي اني اسويه مثل ما سوت ناديه في مسلسل قيود الزمن اني اربطه و اكسر اصابعه و بعدين اروح بيت اهلي و اطلب الطلاق لانه الريال لما يضرب مرته مره خلاص يتعود انه يضربها على طول و خصوصا اذا سكتت عنه

ربي يسوي الله فيه الخير خيتو و يهديه و يهديج
اسفه لو قلت كلام قاسي شوي او ما عجبج بس فعلا احتقر الرجال اللي يضرب مره مهما كانت هالمره زوجته او اخته او الخدامه او اللي ادهى و اعظم امه