احوالكم وقت العزايم

very nice .i am weating for the girls to tell us:26:

انا احب ارتي امورى من قبل باسبوعواشياء اسويها بالفريزر مثل ورق العنب والكبة والسبرنج رول والفطائر بانواعها .
والحلى قبلها بيوم اجهزة وسيرفس التقديم من الليل .
عشان يوم العزومة اتفرغ حق الاكلات الرئيسية والسلطات .
اذا عشاء اقوم برحتى واشتغل .
واذا غداء اقوم من 7 الصبح ابد تنظيف الشقة وادخل المطبخ ودايم الساعة 1 اكون خلصت اتسبح واجهز انا واحب استقبل ضيوفى وانا على سنقة عشرة .
وماعندى شغالة .واللة اللى ينظم وقتة مايحتاج .
وانتم كيف ترتيباتكم عشان نستفيد من بعض .

اريام الحنين ما شاء الله عليج منظمة امورج بس احيانا تصير العزيمة وما يكون عندك فرصة كبيرة


يعني يومين قبلها وبانتظار البقية

انا كنت قبل في بداية زواجي اذا كانت عندي عزيمه تتوتر اعصابي واصير حوسه :rotaeye: بس الان الحمدلله رتبت نفسي عند العزايم .اذا كان غداء اصحى بدري واسوي الغداء والقهوه مع السلطه وطبعا لانه غداء ماانوع اهم حاجه اللحم والرز او الدجاج والسمك .مايأخذ شغل كثيررر. ام اذا كان عشاء هذا كلام ثاني قبل العزيمه بيوم او يومين احضر الاطباق اللي اقدر احفظها بالثلاجه مثل السمبوسه اوورق العنب والكوسا و الرول والحلى ،يوم العزومه اجلس استعد من الظهر اسوي معجناات او بسكويت حق اللي بقدمه مع الشاي واجهز السلطه لان السلطه مو حلوه الاطازجه في العصر اروح اتروش واضبط شكلي:27: عند المغرب استقبل الضيوف لان احب استقبل ضيوفي وارحب فيهم واقهويهم وعند العشاء اسوي العشاء واسخن الاطباق اللي بالثلاجه .وانا ماعندي شغاله في نهاية العزومه اذا كان فيني نشط غسلت المواعين اما اذا كنت تعبانه اخليهم لبكره :3_13_12: ..

الحلا قبله بيوم والباقي بنفس اليوم اذا غدا اصحى بدري واذاعشا موضروري بس ابدا بالشيا اللي تتحمل تبقى
واذا حريم عندي ما اسوي شي اجيب من برا
لانه بصراحه تعب
عزومه الرجال مو مشكله اما الحريم احسها حووووووووووسه
وتعب :)