السلام عليكم
بنات حوا الحكيمات
بغيتكم تشورون علي
انا متزوجه وعندي 3 اطفال زوجي عصبي بس عرفت اتعايش معاه
بس تجيه اوقات يصير انسان لا يطاق بمعنى الكلمه ما يناديني الا "بقره " مع اني كم مره اعترضت وزعلت على هالتسمية
(عموما اسمي انا ناسيته اذا كان مبسوط ناداني ياحرمه ):44:
في ليلة رمضان دخل علي يبغى بس يهاوش مع انه طالع من البيت سمن على عسل المهم سكت عنه وصبرت عليه وفاتحته وسالته وش مزعله ما عطاني جواب بس ينافخ المهم انتصف رمضان وطاح مافي راسه ورضى
المهم امس كنا قاعدين نسولف من دوشة البزران قال والله الواحد وده ياخذ اجازه منكم
عاد انا قلت وانا بعد ابغى بعد اجازه
عاد هو قال ما تبينها اجازه مطوله :icon33:
انا حزت في خاطري كلمته وسكت وكنت صايمه رحت لغرفتي ارقد
جاء عاد هو عقب يرقد وقلت له ليش يقول كذا قام يهاوش وقال انتي بقره طلعت من عنده وبغيت اتهور واروح لاهلى واترك عيالي بس تعوذت من ابليس
اليوم الجمعه قمت الصبح متاخره شوي باللله امداني اصلح القهوه واجيب البخور ودخلت الغرفه اصحيه للصلاة لقيته قاعد عالسرير وقام يهاوش """ يابقره ليش ما قومتيني للصلاه"" انا تفاجات بكلامه لي وعزت على نفسي ورحمت حالي بيدي المدخنه وداخله بقومه قعدت اناظر فيه من غير شعور قلت انا مو بقره قال الا بقرتين
حطيت البخور وطلعت ابكي جلست شوي في الصاله بعدين رحت اصلي في مجلس الرجال واقرى قران جت بنتي تناديني جيت الصاله كان هو فيها
ورجع على نفس السالفه ليه ما قومتيني وهو في رمضان جمعتين ورا بعض ما صلى جماعه وانا اقوم فيه
ويم قلت له قال مالك دخل
قلت له انت ودك تطفشني ترى الحياه الزوجيه اما امساك بمعروف او تسريح باحسان
ورحت اغير لولدي هو مسكها قام يصارخ ويقول تبني السرحك تبيني اسرحك سكت عنه خفت اتناقش معه يكبر الموضوع وانا والله ما كسر ظهري غير بنتي الكبيره هي بسم الله عليها ذكيه وحساسه واخاف تتعقد
شوروا على اواجهه ولا اسكت ولا اروح لهلي ولا اصبر وانطم :angry:
صافيو @safyo_1
محررة
يلزم عليك تسجيل الدخول أولًا لكتابة تعليق.
وليده
•
الله يفرجها عليك ياختي ويسخر لك زوجك
مشكلتك ياختي بسيطه وماتوصل انك تطلبين الانفصال او روحه لااهلك مافيه رجال كامل وكلن فيه طبع
لو دققنا باعمرنا فينا اطباع مايتحملها الرجال بعد وصابر يعني لازم تمشين له ويمشي لك ولو هاوش اسفهيه خليه يبربر اللين يشبع ويسكت وبيستحي على وجهه بيحس انه يكلم نفسه واذا على كلمه البقره بسيطه ياختي خخخخخخ وسعي صدرتس بس قولي ايه بقره وحلوب بعد خوذيها بنكته ومزح قولي البقره من زوجها وانتي تضحكين ههههههههههه
والهل ياختي مشكلتس بسيطه وتبين تعرفين النعمه اللي انتي فيها شوفي المشاكل اللي بها القسم بتقولين اثاري بنعمه
واكثري الاستغفار واطلبي من الله يسخره لك
مشكلتك ياختي بسيطه وماتوصل انك تطلبين الانفصال او روحه لااهلك مافيه رجال كامل وكلن فيه طبع
لو دققنا باعمرنا فينا اطباع مايتحملها الرجال بعد وصابر يعني لازم تمشين له ويمشي لك ولو هاوش اسفهيه خليه يبربر اللين يشبع ويسكت وبيستحي على وجهه بيحس انه يكلم نفسه واذا على كلمه البقره بسيطه ياختي خخخخخخ وسعي صدرتس بس قولي ايه بقره وحلوب بعد خوذيها بنكته ومزح قولي البقره من زوجها وانتي تضحكين ههههههههههه
والهل ياختي مشكلتس بسيطه وتبين تعرفين النعمه اللي انتي فيها شوفي المشاكل اللي بها القسم بتقولين اثاري بنعمه
واكثري الاستغفار واطلبي من الله يسخره لك
اختي الكريمه خلي عندك صبر على شان اولادك واذا قال لك يابقره عادي خلي الامر عادي ولا يهمك كلامه خلي عندك ثقه بنفسك قال يابقره ولا قال اللي يقول انتي عزيزه وكريمه وهو اعتبره سفيه ولا ماكان قال هالكلام لام اولاده ولكن لا تزعلي من كلمة بقره ولا اي كلمه يقولها له لو قلتي انا جايه على شان اقومك للصلاه وتركتي الرد عليه على شان كلمة بقره
واذا كان هذه العصبيه او الاخلاق تجيبه لفتره بسيطه تحمليه واذا كان مايمد يده عليك ماعليك من الكلام اسمعي وطنشي وخلي عندك ثقه بنفسك وان هالكلام ماراح يضرك وعليك بالدعاء واسال الله ان يهدي زوجك ويوفقك
ولا تجيبي طاري للطلاق مثل كلمتك فامساك بمعروف او تسريح باحسان لان هذا الشي يزيد من عصبيته ويفكر انك تبي الطلاق
وانك ماتحبي العيش معه وانك ماتحبيه وهذا شي يزيد عصبيته ويمكن يطلقك والطلاق ليس بالامر السهل ياختي الكريمه
لكن استخدمي اسلوب التطنيش واذا شفتيه معصب حاولي تتجنبي اي شي يثيره ولا تجادلينه بالكلام اذا قال شي قولي سم حتى لو قال يابقره سوي كذا قولي سم ابشر صدقيني ان هو اللي يحس بنفسه ويتراجع عن هالكلام اذا شاف اسلوبك كذا
دمتي بود
واذا كان هذه العصبيه او الاخلاق تجيبه لفتره بسيطه تحمليه واذا كان مايمد يده عليك ماعليك من الكلام اسمعي وطنشي وخلي عندك ثقه بنفسك وان هالكلام ماراح يضرك وعليك بالدعاء واسال الله ان يهدي زوجك ويوفقك
ولا تجيبي طاري للطلاق مثل كلمتك فامساك بمعروف او تسريح باحسان لان هذا الشي يزيد من عصبيته ويفكر انك تبي الطلاق
وانك ماتحبي العيش معه وانك ماتحبيه وهذا شي يزيد عصبيته ويمكن يطلقك والطلاق ليس بالامر السهل ياختي الكريمه
لكن استخدمي اسلوب التطنيش واذا شفتيه معصب حاولي تتجنبي اي شي يثيره ولا تجادلينه بالكلام اذا قال شي قولي سم حتى لو قال يابقره سوي كذا قولي سم ابشر صدقيني ان هو اللي يحس بنفسه ويتراجع عن هالكلام اذا شاف اسلوبك كذا
دمتي بود
الصفحة الأخيرة
آللهـ يفررج همكـ ..~
آكرهـ شي عندي عصبيه الرجــل شي لا يحتمل ..~
..