كيفكم يا بنات ؟
هذي الصور اعجبتني وان شاء الله تعجبكم
اللي حابه تطبعها وتوزعها كبطاقات في اي تجمع نسائي ..
تذكري ان الدنيا قصيرة وما تسوى انا نضيع ديننا عشانها
تذكري ان الله انعم علينا بالكثييير الكثييييير من المباحات .. ليش ما نقتنع ؟؟ ونقول الحمد لله
لا بالعكس نطمع فيما حرم الله وهو القليل ؟؟
ليش يابنات صارت كلمة حرام تمر علينا وما تحرك فينا شي ونتهاون فيها ولا كأنها أمر من الله... وندور مبررات عشان نحلل لأنفسنا شيء نعلم ان حكمه حراام .؟؟؟
يا بنات كل وحده فينا تشوف نفسها اذا مرضت ولا حست بخوف من شي مثل الامطار والاجواء اللي مرت علينا وش تقول ؟
تقول يارب صح؟
طيب ربك عصيتيه ... ربك امرك بشيء وما اتبعتيه ... ربك نهاك عن شيء وما اجتنبتيه ... ربك اعطاك واعطاك واعطاك فوق ما تستحقين وعصيتيه وأمهلك وعصيتيه وأمهلك مرات ومرات....
الى متى يا بنات ما نستحي من ربنا اللي بيده ينزع منا كل نعمه انعم بها علينا
وبيده يؤجل لنا العقوبه ليوم صعب علي وعليك نتخيل هول ذاك الموقف وصعوبة ذاك الجزاء
اعذروني معليش ما رتبت كلامي لكن والله اقول لكم هذا الكلام من خوفي عليكم وتذكير لنفسي اولا ثم لكم اخواتي وحبيباتي
حنا حفيدات خديجه وعائشة وحفصة وفاطمة والصحابيات الجليلات ولازم نمشي على طريقهم حتى نلقاهم بإذن الله في الجنه
يارب ثبتنا على الحق وردنا الى كتابك وسنة نبيك عليه افضل الصلاة والسلام