أدخـــــــلوا وشاركــــوني أحزاني

السلام عليكم ورحمة الله وبركاته ...
كيفكم ان شاء الله بخير
أنا مو بصله محروقه أنا أختها ولأني ماعندي كمبيوتر اضطريت اني أكتب باسم أختي
واحب اعرفكم بنفسي أنا الأخت المتزوجه الكبرى لبصله >>>>>أخلصي علينا
المهم ندخل في الموضوع علىطول ..... من خلال اطلاعي على المواضيع الموجوده في المنتدى لاحظت ان أغلبيتها اذا مو كلها تتكلم عن تجمل المراه لزوجها وكيف تسوي ليله رومانسيه وتفاجئينه بالهدايا ولا تكررين اللبس في اليوم وحاولي تكون ملابسك دائماً جديدة وغيري تسريحة شعرك ومكياجك وعطرك ولا تزعجينه بمشاكل العيال وقدمي اشهى الماكولات ...........الخ
بالله كيف الوحده يمديها تلحق على الطبخ وتنظيف البيت وتربية الأطفال اللي ماتنتهي مشاكلهم وعوار الراس اللي يجي منهم وتغيير الملابس والتجمل للزوج ( ماعندها خدامه )
انا عارفه ان المراة هي الجنس الناعم واللي المفروض هي اللي تتجمل وتتزين بحسب فطرتها بس أيضاً باقي الدور يكون على الأب المفروض هو اللي يفاجئ زوجته اللي طول اليوم تكد وتتعب تطبخ وتغسل وتذاكر لعيالها وتسهر على راحتهم وهو اللي يفاجئها بليله رومانسيه خارج البيت مره يعزمها على المطعم ومره ياخذ فندق يغيرون فيها جو البيت اللي يجيب الأكتئآب ومره بكلمات حلوه وبسيطه ومافيها تكلف ترفع معنوياتها وتشجعها على تقديم المزيد ...... والمرأة مخلوقه ضعيفة تحب المدح والثناء والأطراء >>>وش رايكم بالكلمات بس
اذا المرأة سوت واجبها وأكثر وما حصلت شئ من اللي ذكرته !!!! وش راح يكون موقفها ؟؟!!
أكيد بتتحطم نفسياً ويجيها كتئآب وتشعر بالقهر والاحباط وضيقة الصدر.
وهذا اللي أنا اعاني منه .. بذلت كل مافي وسعي من مجهود لاسعاد زوجي وأطفالي ولكن مقابل كل هذا ما حصلت ولو كلمة شكراً أو يعطيك العافيه !!
بصراحه كتبت هذا الموضوع من شدة القهر وضيقة الصدر اللي انا عايشتها .. لا تقولون ألبسي واكشخي وتغنجي ...الخ , انا الحمد لله جميله بشهادة الجميع وماقصرت معه بشئ بس هو ماأدري وش فيه ماكان كذا أول
ألبس واكشخ عشان ألفت انتباهه ...ومافيه فايده مع انه والله طيب وما يقصر معي بشئ بالعكس معيشني أحلى عيشه لكننا عايشين في بيت واحد وكل واحد في حاله ساعات أحس اني مثل أخته حتى البوسات معدومه ومافيه تصبحين على خير على طول يحط راسه وينام
انا قاعده أكتب الموضوع ودموعي تسابقني فكرت أروح عند أهلي واجلس عندهم بس قلت أخاف الجفاء يزيد
ما أدري وش فيه صار لنا شهر وأكثر وأحنا على هالحال ؟!
مااعتقد انه مسحور ولا فيه عين لأنه طول اليوم طبيعي ومافيه ضيقة صدر ولاشئ بس هالجفاء اللي فيه
فياليتكم تواسوني وتدورون لي حل ............وشكراً.