طريقة عمل الالبة الكويتية ( بر الوالدين )

السلام عليكم ورحمة الله وبركاتة
وصفة اليوم هي الألبة الكويتية

نضع
كوب سكر
ثلاث بيضات
ملعقة صغيره فانيليا < سائلة او بودره > حسب المتوفر عندكم


ثم اخلطهم


الى ان تتجانس المكونات بالشكل هذا


ثم اضيف عليه
ثلاث ارباع كوب حليب بودر
علبه قيمر
ثلاث اكواب ماء
هيل + زعفران ( كثرو منهم ) لانهم يعطونه طعم لذيذ جدا


وارجع اخلط مره ثانيه الى ان تتجانس المكونات


وبعد ما خلطته احطه في القالب الي ابي اسوي فيه الالبة
سواء كبير او صغير حسب رغبتكم


واغطيه بالقصدير
واحطه في حمام مائي (سواء في الفرن او على النار ) ولكني افضل الفرن


ادخله الفرن ياخذ تغريبا ساعة


بعد ما يخلص نطلعة 5-10 دقايق وندخله الثلاجة 3 -5 ساعات حتى يتماسك
ملاحظه : بالصوره الي تحت نغطيه بس انا شلت الغطا عشان اراويكم اياه واهو بالثلاجه


وبالعافية عليكم