مرحبا بنات
اولا اخت مهى انت كلامك كان معناه واضح وهو انه الجوازالاردني ميزة لحامله وهدا الكلام مش مزبوط لانه انت بتعرفي كتير منيح انك لو اعترضت على اي شي بالاردن وين بكون مصيرك! وعلى فكرة معظم الدول العربية هيك الوضع فيها للاسف
شوفي كيف الحكومه الدانماركيه وانا هون مش بحاول التشبه فيهم الله يلعنهم بس شوفي كيف تضامنو مع الصحفي اللي نشر الرسومات وقالولك هاي حرية تعبير !
تخيلي لو هالحكي صار عنا ولو على شغلة بسيطة زي مثلا الاعتراض على وزارة او حكومه .
يا عيني على الصحفي المسكين شو رح يصير له الدبان الازرق ما رح يعرف طريقه صح ولا لا؟
وانت كونك كان حظك منيح واشتغلت بجامعة حكوميه ما بعني انه كل الشعب الاردني مرتاح ومتعلم وبعدين انت لو ما كنت دارسه ماستر كنت لقيت شغل ؟انا خريجة بكالوريوس صار لي 13 سنه ولحد الان ما وصلني دور على الديوان مع انه في خريجات وخريجين معي وبنفس معدلي تعينو فورا وانت بتعرفي السبب ما في داعي اذكره!
ومش انا لحالي بعاني من هالشغلة آلاف غيري وبتقوليلي متل بعض ؟هدا كلام غير دقيق بالمرة .
على فكرة انا متلك عشت باكتر من دوله عربيه والامارات كانت احسنهم على كل الاصعدة ان كان من حيث النظام او من حيث تعامل الشعب الراقي وتواضعهم وما كان قصدي من اللي قلته انه انا بطلب المساواه مع المواطنين بس لو انت اقمت في اي دوله اوربيه او كندا او امريكا فترة معينه بعدها بتستحقي تاخدي جنسيتها لانك خدمتي البلد والمجتمع صح؟
وانت لما تكبري ما بدك نظام ضمان اجتماعي يضمن لك تامين صحي مدى الحياة؟
ما بدنا نخرج عن موضوع النقاش اللي انفتح الموضوع من أجله
أنا وزوجي مثلا فكرنا نهاجر حتى ولادنا يتعلموا تعليم كويس وفي بيئة محترمه ونحن كمان نصير مواطنين محترمين لدوله محترمه ومعنا جوازات بتسمحلنا ندخل اي دوله بدون فيزا وبهدلة بالمطارات
عفوا بس وين صاحبة الموضوع ما بينت
والسلام

اختلفت وجهات النظر لكن بالنسبة لي.......
لو كنت اجد دولة عربية واحدة اضمن فيها مستقبلي واولادي ما ترددت لحظة في موضوع الهجرة فقد قدر الله علينا ان يكون لي بلد مسلموه مستضعفون و مضطهدون واخوان عرب غير قادرين علىتقبلنا فانا اقمت في احد الدول الخليجية 24 سنة بالاصح انولدت فيها لكن قدر الله ان اتغرب واهاجر لعدم قدرتي الاستمرار فيها.... والان سارجع لهابسبب الاطفال وخوفي عليهم وعلى دينهم في اوروبا

لكن واعجباه ساكون موضع ترحيب لحملي جنسية بلاد الكفر !!!!!!!!!!!!!!

البعض يهاجر لم يضيق بهم فرص العيش الكريم فى بلادهم والبعض للدراسة