هذا حلا لذيذ وطعمه يشبه الغريبيه
كل من ذاقه اخذ مقاديره
حطيته في منتدى ثاني والكل طبقه وعجبه
وقلت باحطه لكم هنا تستاهلون يابنات حواء
ياما استفدت منكم
المقادير:
3ونص كاس دقيق
2 زبده بدرجه حراره الغرفه
ربع كاس زيت
ثلثين كاس ماء
الطريقة:
بيدك افركي الزبده والدقيق زين
ثم اضيفي الزيت والماء واعجني
وخبطي وخبطي وخبطي>>تبغى عجن عشان تتماسك
ثم افرديها مره وحده كلها وقطعيها دوائر بكاس بس لايكون كبير ولاصغير الوسط زيين>>ماتحتاج تخمير
ثم اتبعي الطريقة بالصور
لفيها رول اذا حشيتيها ثم صكي اطرافها ثم حطيها على الصينية وابرميها كانك تلعبين بصلصال بس حاولي لاتطول عشان ماترهف وتخرب
او حطيها في يدك واضغطي عليهاعشان تتسكر زين
ثم لفي اطرفها زي كذا
طبعا قبل ماتلفينها بيطلع لك علامه اللي سكرتيها حاولي تخلينها على تحت عشان تكون مرتبه>>اذا صلحتوها بتفهموني
ثم صفيها في صينيه مدهونه
ثم دخليها فرن حامي
تقريبا ثلث>>على حسب فرنكم
وحمريها من فوق
ثم اذا طلعتيها من الفرن يكون عندك شيرة دافيه صبيها عليها
والشيره تميل للخف
خليها ربع ساعه بتكون الشيره جت للحلا من تحت بس
قومي اقلبي الحلا على الوجه الثاني
وخليه بعد ربع ساعه>>واذا بغيتوا اكثر
ثم ذري عليها فستق
وصفيها في صحن التقديم وصبي عليها بعد شيره بس شوي عشان تتلامع
وقدميها مع القهوة
بجد لايفوتكم>>هذا احسن حلا سويته في حيااتي>>لعد تمدحين ابد
الفول السوداني مع الشيره معطيه نكهه غييير
وتقريبا هالمقدار يجيب من 55 حبه الى 60 حبه
واي سؤال حاضريين للغالييييين
