دانة العساف @dan_alaasaf

عضوة جديدة

بنات اخوي زواجه بعد شهرين تقريباً .. ساعدوني في الأثاث الله يخليكم ........

السلام عليكم ورحمة الله وبركاته ،،

أخوي زواجه بعد شهرين إن شاء الله وبلاشانه في التأثيث وش تنصحون فيه
من ناحية غرفة النوم ، الثلاجة ، الفرن ، الغسالة ، .. جميع الأجهزة الالكترونية
الله يوفقكم اللي عندها خبر عن الماركات والجودات وأفضل المحلات ..
لأنكم عارفين المحلات بعضها نصب في نصب وأنا دبشة أخاف يلعبون عليه ..
ملاحظة : منطقة الرياض لا أحد يروح بعيد ..
شاكرة لكم ...

يلزم عليك تسجيل الدخول أولًا لكتابة تعليق.

تسجيل دخول

انا الامل • 13 سنة

ياربي ليه مايأثث هو وزوجته احسن لاتستعجلون <كف مالك دخل

يالغلا غرف النوم العويس عندهم غرف نوم حلووه واسعارها حلوه بعد

وشارع احمد بن حمبل كله اثاث وغرف نوم روعه مقابل سلاح الحدود

الشتاء والصيف اتوقع اسعاره ممتازه والمنيع بعد بشارع الاربيعين اللي بالربوه

والله يتتمم له على خير

الفرح والسعادة • 13 سنة

احلى غرف نوم من المنزل بس غالي

اما الاجهزه شوفي ال جي واذا اخذتي منهم مجموعه العرسان الكيد بيعطونك سعر زين

وممكن بعد اكسترا

الائي300 • 13 سنة

الاثاث افضل شي الجاهز من ناحية الذوق والالوان انصحك سيتي دبليو وديموس وفيه محل ناسيه اسمه جنب العويس مربع يبيع اثاث حلو ومكاتب واجهزه الكترونيه طبعا سنتر بوينت والاجهزه اكسترا حلو مره سعره والله يوفقلوا والجميع ادعيلي ولعيالي وزوجي الله يسعدك

بداية الخير • 13 سنة

KWEEN :

لا يمكنك مشاهدة هذا التعليق لانتهاكه شروط الاستخدام.

:26:انتي وذوقك اللحين تفنني في الاختيار هذا دور الاخت اللحين روحي لمحلات اللي بالرياض كلها

ولاتنسين اتصورين لنا بيت اخوك اذا خلص:26:

سوزان666 • 13 سنة

انا وخطيبي مأجلين التأثيث لبعد الزواج ان شاء الله عشان نأثث مع بعض

لأن الفيلا مره ماشاء الله كبيره جدا ولازم حتى شغالتين مو وحده الله يعين ...

يعني مشوار ....

كان نفسي افيدك بس انا ماعرف بالرياض ....

مبروك مقدما وبالرفاه والبنين ...