رفع

انا بحط جريش وشوي رز مصري واحط المويه اللي تكفيه احط عليه ملح ورشة ملح ليمون وكم حبة فلفل احمر وبصل مفروم ناعم مع شوي ودك او زبده اذا ما توفر الودك واخليه الين يكون باقي له ربع ساعه ويستوي احط عليه اللبن والكمون واخليه يتخدر ويشرب اللبن بعدين خلاص لا اضرب ولا شي يطلع مهروس مستوي يا سلام ولونه ابيض يجنن لان الكمون تخليه خر شي واللبن ما يتاثر بطول مدة الطبخ وتكوني مجهزه كشنة البصل والذرور زينيه وعليك بالعافيه ما ياخذ منك وقت ابد

الجريش اهم شي فيه كثري بصل وحطي كمون بس بدون اي بهارات ثانيه وحطي ملح خشن علشان ما يتقطع اللبن
انا اشوح بصل كثير واحط عليه كمون وملح خشن واحط صدور دجاج او نص دجاجه مشيول منها الجلد واحط عليها اللبن تقريباً علبه الوسط اللي ب٣ وازيدها مويه ترتفع عن الجريش بثلاث اصابع تقريباً واحط فلفل اخضر حار واضغطه نص ساعه وبعدها افتحه وادقه مضبوط واذا حاطه دجاج بالعظم احاول اطلع العظم وانا ادق الجريش واقصر عليه النار مره واحط فوقه قطعة زبده واتركه نص ساعه ثانيه ويطلع روعه
وسوي كشنة بصل مع ليمون اسود وحطيه فوق ويا سلااااام
والمقدار كل مقدارين جريش معها مقدار واحد رز مصري  

فوق