السلام عليكم ورحمة الله وبركاته
زي مااتنوآ عارفين الاجازه قربت وجت معها المناسبات والزواجات..وعندي عرس بعد اسبوع ..رحت اليوم العثيم مول الي بالدائري ,ابي اشتري فستان المهم دخلت محل ماابي اذكر اسمه لأني ماادري هل صاحب المحل على علم بالي صار ولا بس الي يشتغلون فيه,,ولسى بتأكد بنفسي
لقيت فستان روعه اعجبني موديله ولونه وسعره لان عندهم تخفيض ,قلت له ابي اقيسه اخذته ورحت اقيسه لبسته وعجبني ويوم جيت افسخه انشقت البطانه الداخليه من وراء شق كبييييير ,وطبعا الفستان شيفون يعني كل شي باين :35:
تخيلت لو إني بالعرس وصار الي صار
رجعته له وقلت انشق ويوم قلبه طلع فيه شق من قدام بعد ,والبطانه متمسخه,والخياطه اي كلام والله انها مخيطه اي كلام ؟؟؟!!
وانا والله كنت محتاجه الفستان لاني مافيه وقت عندي اقعد الف بالاسواق, قال خلاص بنخيطها لك كويس ,وراح يصرف فلوس من المحل الي جنبنا ..رحت على الفستان الي في العرض ,,تتوقعون وش لاحظت,,لاحظت مصيبه وفرق شااااااااااااااااسع بين الي قسته وبين الي في العرض..
اولا الي قسته بطانته خايسه ثانيا قماشه سييييئ وردئ ومن ارخص الانواع..ثالثا الشك الي بصدر اي حركه مفاجئه يطيح يعني لازم اتحرك على مهلي عشان ماتتقطع :mad:
ولبسه وحده بسسسسس..
والي حاطينه بالعرض خامته قمه في الروعه وقماشه واضح انه غااالي وممتاز,وبطانته مخيطه دبل يعني مستحيل تنشق,والشك الي بصدر ثابت من قلب ومرتب..
يوم جا قلتله ليش هذا زين والي عطيتني سيئ للمعلوميه الي قسته عطاني اياه من المستودع
جا وقلبه وقال ماشاء الله يامدام ملاحظتك قويه والله مابعرف ليش .وبعتذر منك وراح اجيب لك واحد نفس الي بالعرض دخل المستودع وجاب لي نفس الي بالعرض روعه رحت اقيسه والله يابنات حتى رزه بالبس مو مثل الاول ,رجعت له وقلت ابي اعرف ليش هذا يختلف عن هذا قال آسف مدام واوعدك ماينباع..
وبس هذي سالفتي قلت اقولها لكم عشان تنتبهون لانه والله شي يقهررررررر..للمعلوميه المحل مشهور ومعروف..لكن عندي احساس انه البايع الي يجيب اقمشه سيئه ويفصلها نفس موديل الزين ويعرضها بنفس السعر......
لاتنسوني من دعواتكم
F A R H H @f_a_r_h_h
عضوة مميزة
يلزم عليك تسجيل الدخول أولًا لكتابة تعليق.
كرزما2009
•
الله اعلم
اللي ما تنتبه وتقلب الفستان زين مازين ممكن ينضحك عليها ويصرفونه فيها بالذات البقع اللي مدري من ايش
الصفحة الأخيرة