أول مرة ان شاء الله بفصل مطبخ وما عندي خبرة بالموضوع
شنو افضل محلات المطابخ في الدمام ،، جودة وسعر مناسب ومعقول،،
وممكن ألقى محل جوووودة يفصل 9 متر بـ 6000 بدون اجهزة؟؟
وأهم النصايح اللي عنكم لي من خبرتكم
يعني الاسهل في التنظيف، المطفي او اللامع ،، الفاتح او الغامق
طبعاً حابة المونيوم بشكل الخشب فاتح والرخامة بني وسط ،، حلو؟؟
واذا في اقتراحات ثانية،، السيراميك وردي فاتح،،
ولو حطيت الرخامة كريمية او سوداء سهلة تنظيفها او لا؟؟
وشكراً
الاسعار ناااار انا مطبخي 10 متر ب12 الف بدون اجهزة
اتمنى انك تلاقي طلبك عندك شارع الامارة فيه محلات مطابخ
وعندك اسواق التلفزيون بس للامانة مارحته من 11 سنة تقريبابس اسمع فيه محلات اسعارها ارخص من شارع الامارة
وفي عندك ورش في الخضرية توريهم المخطط وتختاري الخامات واذا مو موجودة عندهم يعملو لك طلبية
وهم ينفذو الشغل ويركبوه عندك واسعارهم تتفاوت على حسب الجودة
اقترح عليك تاخذي لك لفة على المحلات منها تعرفي الاسعار وتعرفي الموضة والخامات الي موجودة بالسوق وتاخذي فكرة كيف تنسقي بين الوان السيراميك والدواليب والرخامة
ونصيحة اي مكان بتفصلين عنده شارطيه ان يكون الشغل نظيف ما فيه خدش في الابواب او الفريمات لان بصراحة احيانا يكون شغلهم تلفيق واي كلام والله المطابخ تطلع الروح صار لي شهرين من سلمناهم المخطط ولسا ما ركبوه الله المعين بس
بالتوفيق حبيبتي