http://forum.hawaaworld.com/showthread.php?t=1304742
أخواتي في الله انا حبيت انزل موضوع كامل للمناسبات من حلويات وفطاير وعشاء >>>>> وكلها بأقل مجهود واقل تكاليف ونصيحتي لكم اذا كنتم تبون تكون العزومه خطيره خلي انواع الاصناف الي تسوينها كثيره وبكميات قليله يعني سوي لك بالحلا مثلا 4 اصناف بس بكميات صغيره مررره لكل نوع وانا بحط لكم قائمه كامله للحلويات والفطاير و اطباق العشاء
<القهوه> والحلويات الي يمكن تفيدك معها وخصوصا بنات هالوقت يحبون السهل اللذيذ لآ فرن ولاغرابيل بحط لكم قائمه وانتي تختارين الي يعجبك
1- حلا النحل :بسكوت اولكر مطحون ومعاه 3 ملاعق فول سوداني وعلبة نستله صغيره لازم تكون تكون سهله التشكيل وتخلينها على شكل جسم النحله وترشين الهيرشي السايل على شكل خطوط عرضيه على جسم النحله وتشكلين لها عيون بالمناقيش وتحطين لها أجنحه وهي لوز مبشور
2- حلى التويكس : بسكوت مغموس بالحليب تصفينه بالصينيه وتحطين الخلطه هذي عليه بعدما تحطينها بالخلاط لين تندمج مع بعض زين (3 اصابع تويكس و1 زبده وقشطه وظرف كريمه و2 دريم ويب ) وتصبينها على البسكوت ولازم تبردينها وقت طويل 5 ساعات <<<<<<<< لاتفوتكم يابنات
3-اصابع جوز الهند : نخلط (علبة قشطه و3ملاعق كبيره سكر و5 ملاعق شوكولاته سايل او بودره ) ويغمس بسكوت اولكر او اي نوع بسكوت بالخليط ونصفه بالصينيه بس يكون متباعد عن بعض ونخليه طبقات كل بسكوت يكون عليه 3 او 4 طبقات بتكون منفصله عن بعض علشان تسهل عليك التقطيع تدخلينها الفريزر ربع ساعه وعقب تطلعينها وآخر شي تقطعينها على شكل اصابع وتغمسينها بجوز هند بودره
4- بسكوت السمسم : اكيد كلكم تعرفونه صح < بسكوت السمسم تراه قديم شوي > عموما تحشين البسكويت مثل الاوريو بس تحطين بالنص هذي الخلطه (كاس جوز هند و ثلاثه ارباع كاس ماء وثلاثه ارباع كاس سكر ) وتدهنينها من فوق ب(نستله صغير معاه كريم كراميل بالكميه والكثافه الي تبينها كلما زدتي الكريمه بيصير اللون اغمق علشان كذا انا افضل لون خفيف يعني احط ملعقه كبيره بس و أخير تزينين الوجه بفليك مفتت او لوز مبشور او كلهن مع بعض انتي ورغبتك
5- حلا انواع البسكويت تكسرين كل انواع البسكويت الي عندك مثلا (بسكوت اوريو اسود / بسكوت أوريو بني / بسكوت شاي / بسكوت جوزاء ) تكون القطع كبيره شوي
تحطين بالخلاط ( 1 نستله كبير و6 حبات جبن كيري ) وتصبينها على البساكيت وتحركينها بشويش علشان ماتتعجن احسن قطع البسكوت تكون كبيره وتحطينها بالصينيه الدائريه الي تنفتح على الجنب وتخلينها بالفرن 5 دقايق بس علشان تتماسك
ولخلطة الوجه ( 2 مارس كبير مع علبة قشطه ) على النار وتكون هاديه لين يذوب المارس وتختفي القطع وتصب على البسكوت الي بالصينيه وتجمل بنوع من الويفر اسمه كات كيت لون كيسته بيج وتراه 2 بريال وحشوته شوكولاته >>>> يارب عرفتوه
تفتتينه وتحطينه على الوجه او تقدرين تزيينينه بالطريقه الي تبينها
6-حلا سويسرول الاوريو والليمون
تطحنين الاوريو لين ينعم وتعجنينه بملعقتين قشطه
وتطحنين بسكوت اللليمون لحاله وتعجنينه بعد بملعقتين قشطه لازم تكون بنفس الكميه للعجينتين بعدين تفردينها على قصدير الاوريو بيكون اول بعدين تفردين بسكوت الليمون عليه وتلفينه مثل الرول وتدخلينه الثلاجه ساعتين وتطلعينه وتقطعينه حلقات
7- حلى كاسات الاوريو
تكسرين4 باكيت بسكوت اوريو الاسود كسر صغيره وتعجنينه ببياله ماء وملعقه كبيره نسكافيه وملعقه كاكاو بودره تحطينها بقاع الكاس وتجهزين الطبقه الي بعدها
بالخلاط ( 2 كريم كراميل / 2 قشطه / 2 دريم ويب / علبه حليب ابو قوس ) تقسمين الخلطه نصفين بصحنين وحده منها تتركينها ساده يكون لونها اصفر والثانيه تحطين عليها ملعقتين كاكاو بودره وهي الطبقه الاخيره خلطه الوجه
بتكون الطبقه الاولى اوريو اسود والطبقه الثانيه لونها اصفر والطبقه الثالثة لونها بني واخيرا نسوي خطوط بالهيرشي وترش باللوز المبشور
منقووول