..
اللي كتبت القصايد فيه متغلّي
والا حسبتوا حبيبي مثلكم عــادي ...؟!!
الطيب فِعـله..و فيه الطيب متحلـِّي
والزود عنده .. و فــيــه الزود يزدادي
حبـه وصل لي وانا اللي ميين ياصلـِّي
و غيّرت لاسمه أسامي كل أجدادي
مالي حياتي وفِـكـري فيـــه مـتجـلـِّي
أكتـبـْـه في صحوتي واكتبـْه فـ رقادي
يا شِِعر لو ما عجَـبـته.. ليتـك تـوَلـِّـي
حلـفت ماأكــتــب قصيد ٍ فيــه منعادي
........................................................................
ياحبيبي حبيبي .. والكواكب قلوب
كانت اصلاً بصدري تنبـضـك للدهر
بس منـّي يقرّب خطوتين؟ وأذوووب
ولا نظرته بعيني..شبّ لي وانصـَهر
المزايا فـغيره ... في عيوني عيوب
أعـرف ان المزايا به تشـــد الظهـر
كان يحسب غيابي عن عيونه هروب!!
يوووه ما يدري اني مولـَعة بالسهر
...........................................
ترجع لـ "جسمي" بالسلامة.. قل آمين
و الا ترى روحي معك يالمسافر
من رحت .. صار الزين في ناظري شين
واااعمري اللي مع هناي امتنافر
أطلقت عقبك من عيوني مساجين
يمشون في درب ٍعلى الخد حافر
يوم انت عندي .. يغبطونا سلاطين
واليوم شح الحظ .. والحزن وافر
ترجع لـ "جسمي" بالسلامة.. قل آمين
وتجيب لي روحي معك يالمسافر
.......................................
علام الصدر ضايق يا رفيقي
عسى اللي ضايقك يبلى بغربال
ترى يزداد من نارك حريقي
وخبرك بالمرايه تعكس الفال
تشيل الهم كـلـّـه عن طريقي
وانا ماشلت عنــّـك شي ينشـال
مدام انـــّـك سماي فـ عز ضيقي
أبصبح لك سما لاضـاق لك بال
............................................
اليوم فرحه.. وكل ٍ جاني يهنـِّي
قالوا كبرتي .. و انا ابكــي كنني طفله
وادري أنـــا مانقصني شي... لكنـــّي
اشوف كلــّش لو انـّه ناقص .. أصرف له
لوما وجودك بقلبي .. ماانكـتـب فنــِّـي
حبي لك .. اكمـَل قصيده مالها قفلــه
ودِّي اطفــّي معَك شمعي وانا اغـنـّي
وافاجئك بالقصيده ذي عــلـى غفله
وابتـل اراضيك .. ثم ّ ازعلـّك منــِّي
هذا مزاجي .. واخبَرك عاد تعرف له
عيدي الحقيقي .. يجي لا جيت في قربي
وفي كل ( لحظه ) تمرّ ؟؟.. نحط له حفله
........................................................
جلست البارحه والفكـْر حالف ما يجيني نوم
أبي أكتب قصيده .. بس وين ألقى اللي تشبهلك ؟
ومن باب المسا طلـّت عيونك .. حفلتين نجوم
وشفت مراية ٍ وسْـط السما في وسْـطها مثلك
يموت الشيخ ما يوصل مكانك وان علا فالقوم
وباقي الناس تعلا لو توصـّل ما وطت رجلك
أحبك وان غدى حلمي قصيده ..قلت: صحّ النوم
يـقوم الحلم عمره ما يلاقي شيّ يشبــهـلك ؟!
.........................................................
أخذت عقلي منــِّي و فوقه الروح
وحرمتـــني من راحتي ؟؟... قلت ماشي
لكن تجيني .. توقف شوي .. وتروح
مايمدي اطفي لهفتي ب انتعاشي ؟؟
انت أبخص اني ما أبي منك مصلوح
ما غير شي ٍ لك في هالقلب ناشي
في غيبتك تدري ... يماشيني النوح
مير انت مدري ياترى من تماشي ؟؟؟
لالا حبيبي .. ان جيت؟؟ ابآقول لك روووح
وتشوف .. (هذا وجهي) .. إن قلت: ماشي !! :)
................................................
من كلمات الشاعرة / عبير بنت أحمد
و إذا لقيت تجاوب منكم :22: راح أكمل لكم :)
أغلى وصال @aghl_osal
محررة ذهبية
رسائل خطييييييرة .. لحقوا عليييييييييييييييييييها .. أتحددددددى تلقونها عند حد
55
6K
يلزم عليك تسجيل الدخول أولًا لكتابة تعليق.
الصفحة الأخيرة
الرسايل واااايد حلوة.. :)