مخرج 10 تعرفونه

امس اخوي كان يمشي في مخرج عشره وشاف الهيئه ماسكين بنت الله يستر عليها ويهديها قاعده تستعرض نفسها لخلق الله كانها شيطان في شكل إمرأه سافره متبرجه لم تخف من ربهااااااااا وعذابه ولا حتى من الهيئه والناس ( هذي ينقال عنها مجاري في كل نهر جاري )

المهم .. الهيئه مسكتها وقاعدين يشوفون الارقام ياللي معها اللي هي حصيلة تعبها لهاليوم لان كان فيه شباب يغازلونها وهم اللي لفتوا نظر الهيئه
وفجئه تجي امها تهاوش ولمة العالم على الهيئه وهات ياكلام ينم عن قلة ادب هالمره وانها ماعرفت تربي بنتها ( اقلب الحله على فمها تطلع البنت لامها ) ولا استحت من الرجال ماده لسانها ويدها على الهيئه المهم انها قامت تهدد تشتكيهم عند امير الرياض ورئيس الهيئه ووووووو و
ورجال الهيئه ياعمري خيرا تعمل شرا تلقى .. بدل ماهي تشكرهم انهم غاروا على بنتها من مغازلة الشباب لها وحاولوا يربون لها بنتها اللي هي ماعرفت تربيها .. قامت نطت في حلوقهم كنها تقول خلوها تغازل تظن ان بنتها بالشكل هذا راح يمشي سوقها وتتوفق
المهم ..
رجال الهيئه ياعمري ركبوا السياره حقتهم وهي قاعده تضرب الشبابيك بنعالها ولمت العالم عليها



بالله اسألكم:
وش رايكم في تصرفها الام ؟ وكذلك البنت اللي رايحه على بالها تسوي رياضه في الشارع امام خلق الله وهي متبرجه وتقبل تاخذ ارقام من شباب ؟؟


وبعدين اخواتي في الله ليش الحريم صاروا يطلعون لمثل هالاماكن زي سور مجمع الكليات وطريق الامير عبدالله ووو اماكن كثير ما اذكرها .. المهم انهم يمشون في الشارع ومع شباب بحجة انهم يسوون رياضه
رياضة ايش ياامي ..
الحمدلله تلقين اكثرهن عندها حوش تطرد فيه الخيل بس هي تبي العالم يشوفونها وتتسبب في فتنة الشباب ووالله بعضهم الشباب يكون ماشي في امان الله وتجيه وحده حقيره وعارفه نفسها انها شينه ونكره بس قالت خلني احاول افتن العالم فيني علشان تشبع نقص عندها وما درت ان الشين شين لو كحل عيونه بس الشيطان الرجيم هو اللي يزين القرده في عيون الناس



اخيتي ياللي تتبرجين وتسمحين لعيون البشر تتعبث بك .... اسألك بالله ما شعورك اذا شفتي وحده متستره ومحافظه على نفسها وزينتها لمن يستحقها اليست هي دررررررره مصونه لا يستمتع بها الا زوجها


ترى الكلام يطول بس ودي القى تعليقات منكم تبرد القلب