المعيده والماستر غالبا تتوقف على التقدير والتزكيه والخبره والتخصص
ارى انك الان تقدمين معيده وتحرصين عليها اكثر من اكمال الدراسه لان المعيده تكون احق من غيرها بدارسه الماستر
علاوه على الخبره اللي راح تاخذينها وغيرها من المميزات
التقديم عليها تابعي موقع جامعه الاميره نوره واطرحي السؤال هناك ربما احد ساعدك عليه
قدمي اوراقك على اداره الكليات الفرع الرجالي

بالنسبه للماستر

قبل كم شهر كان الماستر الموزاي بسعود والماستر العادي يكون بشهر 11 غالبا والامام بعده بكم شهر غالبا على شهر 2 او 3
اختبار غالبا مزيج بين اللغتين وعلى حسب التخصص وراح يذكرون لكم المراجع
الا اذا كان تخصص ادبي بحت او شريعه


نصيحتي لك اذا ماكملتي اوراقك كمليها على بدايه السنه
حاولي تاخذين دورات ولو قصيره تضيف لك في السيره الذاتيه
وبالتوفيق

ربي يسعدك حبيبتي سكون الفضاء ريحتيني كثير
انت وش تخصصك ياقلبو
وكمان ايش الدورات اللي تفيدني لاختبار المعيدات
وممكن احصل في رمضان

ويسعدك يارب

تخصصي كيمياء
الدورات ماظنتي برمضان تحصلين كورسات
ابحثي حاسب 6 شهور ولغه انجليزيه
واذا حصلتي دورات اللي غالبا تكون بمركز ابابطين او العثيم احضريها هي كلها كم يوم وشهاده تعبي لك السيره
مثل الاعتماد على النفس .المواجهه , الحوار ,طرق الالقاء ,التخطيط للمستقبل او الارشاد واساليبه والتعامل مع المراهقين ومن هالامور لكن حاولي يكون يناسب تخصصك ومجال عملك بالاول يعني اداره اعمال وسكرتاريه ابد ماراح تفيد وضعك

ماقلتي وش تخصصك؟؟

انا ياحياتي تخصصي رياضيات
اذا تعرفي احد في ذا التخصص
وايش ممكن الدورات اللي تنفع لذا التخصص؟
وانتي ياقلبو اتخرجتي والا باقي؟

لمسة امل

بالنسبه للاعاده يتم اعلان الاحتياج عن طريق موقع الجامعه والجرائد الرسميه

اما بالنسبه للماستر

فاذا تبين جامعه الملك سعود 25\12 راح يفتح وبالنسبه لقسم الرياضيات ما يحتاج توفل والاختبار يعتمد على ثلاث مراجع بس

اما جامعه الامام تشترط التوفل

واي سؤال انا حاضره على فكره انا مثل تخصصك