عاونوني ولكم مني الصووور

مراحب بوتات .. انا حابه اغير دهان غرفتين المجلس والصاله ..
طبعا الصاله صغيره مقسومه لقيمين وحده تعتبرر مدخل قبال غرفة المجلس ومساحتها متر ونص في متر ونص تقريبا والتانيه مقاسها مترين في مترين ونص ..

والغرف عندي المجلس الكلاسيكي ابي انجده وادهن البويه قريب من لون التنجيد سراميك الغرفه بيج على كرستالاتي صغيره لونها عودي .. المجلس اللي قبل كان عودي حبيت اغير لون البويه والتنجيد بحيث انه يركب مع السراميك .. مساحتها 360في 370

والتاني يعتبر مجلس + غرفة معيشه اكبر غرفه عندي في البيت مقاسه 380 في 380
والسراميك برضو بيج على كرستال ذهبي وفيها بلكونه بقفلها واكيفها كغرفه العاب لاطفالي


الحين جينا للمهم .. خاطري اسوي ثلاث الوان .. الموف والاحمر و الاورنج


قلت راح اسوي الموف في الصاله بسوي الجدار اللي راح يركب فيه التلفزون لون موف ساده اهو والجدار المقابل له .. وباقي الجدران راح اسوي تقليم الارضيه بيضا وتكوت التقليم مووف على ابيض على خط رفيع اسوود يعني بيكون اسود رفيع موف وسط اسود رفيع ابيض وسط زي كذى اش رااايكم...؟

وراح احط طاولة الطعام اسود على اكسسوارات بيضا ودولاب جزم الله يكرمكم لونه اسود بعد واكسسوار ابيض فووقه وعندي كنبه راح اللبسها الاساس اسود والخداديات راح اسوويه قماش مووف يكون داخل فيه الابيض وعندي خداديات كبيره حق الارضيه راح اللبسها نفس قماش الخداديات حق الكنب .. وراح اركب مرايات طويله المموجه اللي في ايكيا .. انا طبعا حاطه ابجورات معلقه بلون اساسها ابيض وبموج الورق بلمووف ان قدرت ان شاء الله او اسوي الاساس اسود..؟


بس الابوا ب محتاره وش اسوي لونهاااا.؟

والمجلس الكلاسيكي راح اللبسه اوورنج وادهن جدار اورنج فلفت وباقي الجدران بيج على طباعه اورنج خفيف .

وقلت احط الاكسسوار عودي على لون الكرستال اللي في السراميك.. اش رايكم يطلع حلو.؟ ولا اش اسوي ابغى لون يوافق معاه العوودي




اما مجلس المعيشه بسوي الكنب مودرن لون اسود على ابيض على احمر وبفرش الارضيه بلون احمر ممزوج بالابيض والاسود والدهان قلت راح ادهنه الجدار المقابل احمر كاامل بس الجدران الباقيه وش اسويها.؟
لاني راح اعلق بلازما في الجدار المفابل للجدار الاحمر هههه حوووسه صح هههه مررره مو قادره اركز ومو عارفه اش اسووي لو وحده عندها صوور تستدحها واكون لها شاااكره ...

ياليت تفيدووووووووني فديتكم :27: