اعذريني اختي ماشفت سؤالك الا الحين وراح اجاوب الي اقدر عليه
شوفي بالنسبه للسكن ابدددد ماعندي خلفيه ممكن تدخلين منتدى السعوديين بادنبره ككلهم رجال
طبعا وممكن يفيدونك اكثر وفيه قسم مو لازم تسجلين تقدرين تستفسرين فيه
http://www.saedin.com/forum//index.php?showforum=13

بالنسبه لكيف توصلين لادنبره انا جربت طريقتين
مره من الرياض الى لندن (هيثرو) بعدين بالخطوط البريطانيه من لندن الى ادنبرة
والمره الثانيه ماكانت مريحه مره بالنسبة لي
وهي على الخطوط الاماراتيه من الرياض الى دبي ومن دبي الى قلاسكو ومن قلاسكو الى ادنبره بالسيارة

انا قد رحت لادنبره رحنالها بالقطار من لندن لادنبره كان طويل بس المناظر رووعه .
والسكن انا وزوجي بس سكنا بفندق .
واذكر رحنا لبحيره برا ادنبره مرره حلوه والطريق خياال بس نسيت اسمها .

رحت لجلاسكو مباشرة عن طريق الامارتية ومرررره الرحلة كانت رائعة..
لازم تروحين منطفة البحيرات وتاخذين كوخ على البحيرة..
من جلاسكو رحنا لادنبرة بالقطار من 40 إلى 50 دقيقة فقط..
كان وقت كرنفال..ادنبره تجنن ..القلعة التاريخية وسفينة الاسرة المالكة كانت روووعة..السفينة ملاصقة للسوق.
اسكتلندا اجمل من لندن بكثيييييييييييييييييييير وجداً مريحة.

ادنبره حلوووووووووه <<تسوي دعايه لديرتها

و بصراحه السنتر اذا بتسكنون هناك لاتطلعون بالليل لانه يصير مليان سكارى ..

شوفي هالشقق

http://www.fountaincourtapartments.com/index.html?source=Adwords&gclid=CKHn_8ed_p8CFcIB4wod0QfQjw

عندك البرنسس ستريت وجورج ستريت بعد رووعه موازي للبرنسس ستريت والقلاع والمتاحف والباخره الملكيه ..

بالنسبه للباصات اغلبها تمر بالبرنسس ستريت وسهل جدا استخدامها ..

عندك مسجد الملك فهد قريب من السنتر توصلينه مشي وعنده بقالات الحلال اذا تحتاجون شي ..

الطيران مافي طيران مباشر من السعوديه لبريطانيا الا مطار لندن ومطار مانشستر

نصيحتي لكم تعالوا على مطار مانشستر اصغر واهون زحمه ومانشستر حلوه

وطبعا لازم تاخذون طياره ثانيه لأدنبره

الاكواخ والله عندنا بروشورات وش كثرها كنا حاجزين بنطلع بس حصلت ظروف للأسف ولا طلعنا لها

بس ابسأل زوجي عنها وارد لك خبر ..

وماراح تندمون ان شاء الله ادنبره تستاهل الزياره ..

مشكورين ..
بس الموضوع من 2007
أنا رحت وجيت :D