حقنة كيناكورت والكورتيزون

السلام عليكم ورحمة الله وبركاتة

ازيكم يا فراشات حواء انا هحكى لكم الحكاية على طول

انا بنت اختى مولودة عندها وحمة دموية وبتكبر فى جسمها ولما عرضناها على الدكتور قال انة هى خطر

لان لو اتخبطت فيها هتكون خطر وقال يشيلها بالليزر بس فى الاخر بعد اليزر هيشيلها جراحة لكن الليزر

يصغر حجمها الاول وبعدين عملت جلستين بس ما حسينا بفرق بس الليزر بيحرق وبس فعرضناها على دكتور تانى

وقال انة الحقن هيجيب نتيجة وهيخليها تروح او على الاقل هتصغر عن حجمها والحقن كانت حقن اسمها كينا كورت

وطبعا ما عرفناش ان فيها كورتيزون ولا حاجة واخدت البنت حقنة وفعلا اتحسنت وبعد شهر اخدت حقنة تانية لكن

المشكلة ان وزن البنت زاد فجاة وهى دلوقتى عندها 8 شهور ومش بتاكل حاجة واللى يشوفها بيستغرب لها جداا

لان خاصة حجم خدودها زايد وهى وقفت الحقن بعد ماعرفنا انها فيها كورتيزون وكانت السبب فى زيادة وزن البنت

لكن فات تقريبا شهر ونصف من وقت ما وقفت الحقن وقلنا هترجع البنت لطبيعتها لكن حجمها بيزيد واختى مش عارفة

تعمل معاها اية عشان ترجع لطبيعتها لانها كانت صغيورة وجميلة :44:

لو تقدروا يا بنات تساعدونى او تعرفوا حد عندة تجربة مع الحقن دى بليز قولوى تجاربكم