وعليكم السلام ورحمة الله وبركاته

تصدقي يا هنودة اني الموضوع رادة فيه يمكن أربع مرات وكل مرة أخلص الرد وأراجعه ما يعجبني وأروح أمسحه وأقول لما أروق ان شاء الله

وشكله الروقان مو جاي

يالله نبدا

الموضوع مهم للغاية...لأنه مو بس حكاية أيش نسوي جو في البيت..الموضوع أحسه هام في موضوع ضغوطهم الدراسية والعملية...وأركز على الدراسية..فنحن الآن مقبلين على الامتحانات النهائية ان لم تكن بدأت بالفعل عند البعض

وهذه الفترة..من أكثر الفترات ارهاقا للأعصاب..لأنه زي ما قلتوا الزوج متى ما كانت نفسيته طيبة البيت كله يصير فرحان ومبسوط حتى لو ما خرجوا واتمشوا..وبس يتكدر شوفي جو الاكتئاب في البيت..ولما يبدا يتنرفز ويعبر عن نرفزته بالصوت أو بالفعل من جد الواحد تضيق عليه الدنيا بما رحبت

وفترة الامتحانات...تأزم أزواجنا من ناحية انهم يفكروا بأهميتها..وخطورة الوضع لو لاقدر الله اتعثروا فيها..وأيش حيصير على البعثة..وكيف أسوي و و و أفكار أشكال وألوان

وهالفترة احنا نحتار أيش نسوي....هل تشيلي نفسك انت وأطفالك تروحي برا البيت علشان تخليله الجو يدرس براحته ومايحس فيه شوشرة حواليه...أم هل تخليه يدرس برا البيت في الجامعة أو المكتبة أو عند أصحابه..

الشي المهم اللي لازم الواحد يسويه..ما يعبر عن طفشه أو ملله أو رغبته في تغيير الجو هالفترة...حتى طلبات البيت...يحاول قبل الامتحانات بفترة يوفر كل شي تقريبا وبكميات..لأنه في فترة انشغالهم يضايقوا مرة لو اتصلنا فيهم جيب الشي الفلاني ناقص...

وفي الجانب الآخر..الأولاد..الله يحميهم..هم لوحدهم يبغالهم تفرغ ورعاية..ومحاولة تهدئتهم هالفترة...والمشكلة لما تصيري في النص مو عارفة توفقي بين الاثنين :icon33:

ما نقول الا انه الله ينزل علينا الصبر..ويهدي سرهم وعصبيتهم وقت الضغوط..لأنه احنا مالنا بعد الله الا هم....وربي يعين الجميع

Saudi girl
حياك الله اختي .. حمستيني فكرة الفطور .. بس شكلي ابي اصحيه الساعه ست و افطره و اقوله ارجع نام في الويك اند .. علشان نفطر برحاتنا قبل الاطفال ما يصحون .. الله يصلحهم ..
اما سالفة الفندق .. فا ما ادري احسها صعبه .. يعين اذا انا راح اسافر ممكن اقول ما ابي اخذهم معي لعمره مثلا لان العمره صعبه مع الاطفال لكن غير كذا .. ما ادري استحي اقولهم ابي اروح لفندق .. خذو عيالي .. يمكن لاني متغربه و ما جربت ما ادري بس احسها صعبه .. موضوع انهم يزعلون .. اهلي لا ما اظن لو اسوي مثل ما سوت صديقتك راح يزعلون لان نزلتنا ان شاء الله نهائيه يعني لاحقين علي .. مع ان امي تفرح بعيالي زياده يمكن علشان الغربه تصير مشتاقة لهم اكثر من غيرهم ..
اما موضوع المملكه غريبه تقولين مو حلوه .. اخوي يمدحه مررره لانه راح له ليلة زواجه .. بس يمكن جهه عن جهه .. او يمكن صادفة اليوم الي انتم فيه كانو الي موجودين خدمتهم سيئه ..
عموما .. مشكوره اختي على مرورك .. الله يجزاك الف خير

بشاير
يا هلا و الله و مسهله .. اسفرت و انورت ..
صادقه موعد الامتحانات من اكثر الفترات حساسيه .. و علشان كذا .. انا طرحت الموضوع .. كيف نخلي هذه الفتره اقل توتر .. كيف نخفف عنهم و نوسع صدورهم .. طبعا الامتحانات اشكال و الالوان يعني فيه ناس عندهم امتحانات عاديه و فيه ناس عندهم بحوث و فيه ناس عندهم تجارب و مختبرات .. يعني الكل حسب تخصصه ..
بس فعلا احس نقطه جدا مهمه انت ذكرتيها .. ان الواحد ما يعبر عن طفشه من جلست البيت .. ممكن يكون هذا الشي بالابتسامه او بعدم الشكوى .. طيب نرجع للاصل .. الزوجه و عيالها جالسين في البيت و الزوج مشغول .. طبعا طلعات مافيه سفريات مافيه .. هنا يجي دور الزوجه كيف تكسر الجمود و تسوي شي يفرح زوجها و عيالها .. في نفس الوقت توصل رساله لزوجها تقوله ترى انا ماني مررره متضايقه من الوضع بالعكس شوف ترا اقدر اتقلم ..
مشكوره يا بشاير على مشاركتك .. و الله يتقبل دعائك يارب

انا بصراحه ما عندي افكار .. لأني انا بعد ادرس و عندي ضغووووووووووووووووط .. البيت و العيال و الدراسه و ابوهم .. و الله احاول قدر الامكان اعطي كل حد حقه .. بس اهم شي اسويه اني منظمه الوقت .. كل شي في وقته .. احس عن طريق تنظيم الوقت كل حد ياخذ حقه و ما اتجاهل اي حد -صح الجدول الي على الثلاجه شكله يضحك بس لو ما كان موجود كثير اشياء بنساها- .. الله يعينا على الي نحن فيه

وعليكم السلام ورحمة الله وبركاته


هلا والله بالهنديه
حياك الله
اسمحي لي ابشارك على عجل


بالنسبه لي اذا شفت النفسيه مش ولا بد
على طول اجيب طاري البر والكشتات ..لانه يحبهن
والرحلات الحلوه ...
والا اساله عن ربعه وزملاءه اللي بالسعوديه..
والا ادور بالنت عن صور كشتات....
والا اساله عن موديلات السيارات
والا وش اخر اخبار الكمبيوترات ومن هالاشياء اللي يحبهن ...

والله يعينهم ولايخيب تعبهم ويعينا ويقدرنا على طاعتهم

عيوش
شو يعني كشتات ؟ منكم نستفيد هههههه