ماعرف اصلح مصقع اهي اهي

طريقة المصقعة
تقلين البطاطس(الحلقات والباذنجان (حلقات واذا تحبين تسوين كوسا وجزر انا ما احب
بس قطعي الكوسا والجزر بالطول
وسوي لحمة مفرومة احمسيها مع بصل وشوي ثوم وبهارات واذا استوت صبي عليها عصير طماطم يغطيها تقريبا اذا تسبكت خلاص سكري عليها

بعدين ترتبين الخضار طبقات بطاطس ثم باذنجان ثم كوسا وكذا
بعد الخضار تصبين نصف كمية اللحمة المفرومه
ثم طبقات خضار ثم تغطين الوجه بباقي اللحم
بعدين دخليها الفرن الى ان تنشف المويه اللي فيها
يعني طلطلي في الصينيه القزاز اذا ماصار فيه مرق
يعني خلاص استوت


بس ترى لازم تسوين كميه كبيرة من الخضار واللحم المفروم لانه مهما كثرتي ماراح يجيب لك الا صينية صغيرة
انتي جربي اول مرة على زوجك
بعدين ارسلي لخالتك
بالتوفيق يارب

هلا والله هذه طريقت مصقعه حقتي والله ادمااان بس اول شي انك تدعيلي لن الله يوفقني انا وزوجي ويقنينا الله ويجيب لنا الذريه
اول شي
قظع ياذنجااان شرائح
ووكوسه شرائح
وبطاطس شرائح
واغسليهم وخليهم على حنب لحد ماينشف الماء منه
بس كلن على حدة
وبعدين تحطيين زيت في قلايه ةتحمرين الخضار حتى يستوون
تاخذين صينيه وتحطيين فيها كل الخضار المحمرة
وتروحيين تسوين كشنهة
وهي تقظعين بصل وطماط وفلفل اخضر وثوم
وتاخذين قدر وتطين فيه شوي زيت عشان تحمرين البصل والفلفل والثوم وتحركيهم حتى يذبل البصل ثم تظيفين الطماطم وتحطيين عليهن الملح وبهارات مشكله وفلفل اسود وكمون وهيل مطحون ومكعب ماجي ومعجون طماطم وتحركين لين تكون حاهزة الكشنه تم تصبينها على الخضار اللي في الصينيه وتحركين بشويش الخضار عشان كلهن يدخل فيهن الكشنه
ثم تخلطين على حسب الصينيه اذا كانت كبيرة اولا قشطه كاملة بيضاء و4اربع ملاعق جبن سائل وتحطين شوي ماى يعني ملعقه او ملعقع ونصف عشان ماتكوون ثقيله الخلطه وتصبينها على اللي في الصينيه وتدخلينها الفرن من فوق بس عشاان تتحمر لا تخليهاا تتحمر كثير عشان تكون الخلطة حلوة راقبيه لا تروحين بعيد عن الفرن لانه بسرعه تتحمر
والله يوفقك ياقلبي والله اني دوخااانه فيني نووووم بس من شفت موضوعك ولا احد رد عليك قلت والله حرررام لازم اوقف معك والله يسعدك
مااابي منك الا الدعاء ان الله يشفيني من الضيقه ويرزقني ذريه صالحه وان الله يغنينا بواسع فضله ياكريم

هاذي طريقه سهله مره
تقطعي الباذنجان على شكل دائره والبطاطس نفس الشي وبعدين تقلينهم بالطاوه وبعدين تجيبين قدر عادي وتحطين بصل وشويه جدا زيت بس عشان لا ينحرق البصل تدرين ليش لانك قليتيهم واكيد راح يكونو مليانين زيت لاكن حطيهم ع ورق لين ينشفو شويه من الزيت وتقطعين طماطم وتحطينه على البصل بعد مايتحمر شوي وتجيبين الباذنجان والبطاطس وتحطينهم على الكشنه وتحطين ملح بالنسبه لي ما احب احط عليه اي شي وتهرسينه بالملعقه شي بصيط وبس واذا ودك دخليه الفرن شويه وبس يطلع واو وممكن تقدرين تستغنين عن الطماطم ادعيلي بالذريه

مناسبة التقديم: الغذاء
مدة التحضير: نصف ساعة
التصنيف: الأطباق الرئيسية
التنفيذ: سهل

التعريف بالوصفة
وصفة لذيذة وخفيفة
المكونات والمقادير
2 حبات من الباذنجان الاسود المدعبل
4 حبات كبيرة من البصل
5 حبات كبيرة من الطماطم
10فصوص من الثوم
زيت للقلي
2 ملعقة كبيرة من الزيت النباتي
ملح حسب الرغبة
2 علبة من الحمص الحب
1 ملعقة كبيرة من معجون الطماطم
1 كوب من الماء
1 مكعب ماجي
طريقة التحضير
1- نقوم بتقطيع الباذنجان وغسله ونضعه على قطعو من القماش كي يجف ثم نقليه ونضعه على ورق ليمتص الزيت منه.
2- نقطع البصل جوانح، والثوم قطع مدورة، والطماطم قطع متوسطة الحجم.
3- نضع الزيت في طنجرة على النار ونضيف البصل، والثوم ، والقليل من الملح ونقوم بتغطية المكونات حتى يذبل البصل.
4- ثم نضيف الطماطم ونغطيها حتى تنضج وعندها نضيف الحمص حب، والباذنجان.
5- نذوب معجون الطماطم، ومكعب ال ماجي في كوب من الماء ونضيف في المكونات ونتركها على النار لمدة عشر دقائق.




.............................


وهدا رابط

للاخت تفاحه صينيه بالخضار شكلها روووعه

http://forum.hawaaworld.com/showthread.php?t=2690138

الله يعطيكم العافيه جميعا ...... والف الف شكر ............ اختي الشيف روبا صدقتي اول شي اجرب لزوجي وبخليه يذوق اذ
عجبته بر سل لأمه فديتها ...........اختي ساحه ورد الله يرزقك من عنده ويغنيك عما سواه {اللهم ارزقها بفرحه تجعلها تسجد لك باكيه}
اللهم اني اسالك بانك الواحد الاحد الفرد الصمد الذي لم يلد ولم يولد ان ترزق اختي رايقه وحنونه بالذريه الصالحه.............
اللهم اني اسالك بان لك الحمد لااله الا انت المنان بديع السموات والارض
ذو الجلال والاكرام ان ترزقهم بالذريه الصالحه
...نصيحه.... حاولو تردو هاذي الادعيه دايم خصوصا يوم الجمعه والله العظيم اني دعيت فيها يوم الجمعه وكنت ابغى اتزوج وربي اليوم الثاني اتصلت ام زوجي وخطبتني
{اللهم لك الحمد كما ينبغي لجلال وجهك وعظيم سلطانك}
اختي مدلعه الله يسعدك يارب ومشكوره على الرابط بس وربي انحست اي طبخه اعتمدها شكلي بخلي زوجي يطبخ خخخخخخخخخخخ
ولا بخليه يشوف الطبخات وهو يختار خخخخخخخخ
***** الله باليل بصلحها وبعطيكم نشره الاحول المطبخيه خخخخخخ
{{اللهم ارزقهم مايتمنون}