نيــــــــــراز :

هلا وغلا نوووض ترددت كثير بالرد قلت يوم كتبت نحن بنات جميلات قلت وشوله احرم نفسي من شوفتهااا خلها تطلعلي بالحلم احب اشوف الجمال بصراااحه هههههههه ان الله جميل يحب الجمال وقلت ودي ارد اخاف تطلعين بالحلم وانتي معصبه والا انا مفجوعه يالغاليه انا بديت من نفسي يعني الحمدلله اللي نفسي فيه بشتريه اسحب بطاقتي الاقي رصيدي متوفر فيه اللي ابي عيالي اللي خاطرهم فيه يتلبى لهم يعني ماني بحاجة الريال للامانه والله لا يجيب اليوم اللي احتاج فيه للريال وعلى قولتك بنت قبايل ولو اني ارفض هذا المسمى وكمان بنت عائله في القبيله من اكبر العيوب ويعتبر جريمه لو فكرت حتى اني ابيع لكن بديت بالفعل بالبيع رغم اني باستطاعتي ابدء بالمجوهرات مش باشياء رخصيه او ام ريالين لكن عشان اكسر هالنعره وهالخشوم المرتفعه والعقليات التعبااانه والتفكير السيئ والسلبي وعشان نفتح المجال لكل وحده حابه تبدء لتسد حاجتها النفسيه والماديه ماكان قدامي الا اننا نبدء صح ولازم ابدء من لاشيء يعني من دون اي تدخل من احد وفعلا كسرت الحاجز وصرت اقول قدام العالم انا ابيع عطور انا ابيع بهار انا ابيع بخور انا ابيع كذا انا ابيع كذا انا ابيع شغلات بريالين عارفه العالم كيف تناظر وهي مبحلقه عيونهاااا فيني لما تتكلمي وانتي واثقه من نفسك هنا العالم تحترمك وانا مع الاخت اللي قالت الارمله والمحتاجه ماراح تبيع شي غالي راح تبدء برخيص والتاجره المفروض تبيع الشي اللي تقدر عليه بحكم المال اللي بيدهااا لما تقولي هذا بريالين وتبيعينه وهذي بضاعتك واصلا قيمة التنوره اللي عليك اللي جالسين مهم قادرين يشترونهااا هنا بتختلف النظره وبتكسرين نظرة العالم السلبيه اقل شي راح تزرعينه فيهم (( فلانه مهي محتاجه الريال ومع ذلك تبيع ما قالت عيب انا وش ينقصني عنها وانا اللي بحاجة الريال خليني اجرب حظي )) انتي كذا فتحتي لغيرك المجال وخليتك اللي تستحي تدخل المجال بكامل جراتها وثقتها بنفسهاا اقل شي تقدر ترد على الناس اللي يقول لها عيب تقول ما عاب فلانه وهي مهي بحاجة الريال انها تبيع ولا فكرة بالعالم وكلام الناس ليش انا اصلا اعطي للناس مجال يتكلمون ان اللي يحكي خليه يحكي بكره لين ربي رزقني وصارة السيوله تمشي بيدي وقتها الكل راح يحط لسانه في فمه ويحسب لي الف حساااب انتي شوفي الموضفه وهي الموضفه واللي راتبها ما تجاوز 1500 ريال مجرد ان صار لها راتب رغم انه كله ديون وخرابيط الا ان الناس تنظر لها باحترام لان صار بيدها مال خاص فيها فايش يمنع انك تبدئين لكن عارفه يانوض ايش المشكله ان العالم تبدء بعد ما تطيح في مشكلة الديون وتدخل في المأزق المالي اما لذهاب الصحه او تسلل الديون في حياتهم ليه ما استفيد من صحتي وعافيتي واستغلها في التجاره واجمع المال لمرضي وكبر سني وهرمي وقت اللي ما اعرف هل بلاقي من يسندني هل بلاقي شخص يدفع تكاليف علاج مرضي او استخرج جثتي من الثلاجه لدفنهااا (( وحده من الاخوات في عالم حواء كتبت قصة سيده ولدها المتوفى لا تستطيع اخراجه من الثلاجه ودفنه لانه ما عندها قيمة تكاليف المستشفى فهل هذا يعقل لو انا استغليت عافيتي لوقت حاجتي ماكان صار اللي صار )) دائما لما نجي ننظر للعمل وللرزق ننظر له من باب الحاجه وهذا اللي خلى العالم تنفر من العمل والبحث عن الرزق لكن لو نظرنا للعمل والبحث عن الرزق من باب العباده والواجب لما كان هذا حالنااا لو كنتي بصحه وعافيه والماده عندك ممتازه ايش يمنع انك تستثمرين نفسك ووقتك في العمل لاجل المقعد اللي مو قادر على العمل او للفقير اللي مو قادر يحصل على المال مو شرط لنفسك لغيرك للناس المحتاجه لكبار السين المنقطعين مالهم ولد ولا لاهم والي الموضوع كبير لكن المعتقدات اللي بداخلك لو قدرتي تغيريها بكل حزم وقوه صدقيني راح تشوفين الحياه بشكل افضل ولا راح تجلسين في مكانك ثااانيه وحده والله يوفقك ويوفق الجميع لما يحب ويرضى

هلا وغلا نوووض ترددت كثير بالرد قلت يوم كتبت نحن بنات جميلات قلت وشوله احرم نفسي من...