السلام عليكم ورحمة الله
كيفكم بنات وش اخباركم؟؟
باذكر لكم تجربتي مع عملية التنظيف في مستشفى دله عشان يستفيدون البنات اللي محتاجين بس لاتنسوني من الدعاء
طبعاً متوقف نمو الجنين عند 7 اسابيع هذا اخر كلام قالوه الدكتورات وقرروا لي عملية تنظيف
رحت سويت تحليل سيولة دم يوم السبت وبعدين رحت لدكتورة التخدير وسألتني كم سؤال وقالت تجين الساعه 6 الصبح
والساعه 6 الصبح دخلت المستشفى رحت لمكتب عند باب مستشفى دله القديم حجزت الغرفة وطلعت لها وجلست بالغرفه حقتي وكنت طبعا صايمه من الساعه 12 بالليل جت الممرضه قاست الضغط والحرارة
وكل شوي داخله علي ممرضه يمكن دخلت علي اكثر من 20 مرة وهذا كان يخوفني لان كل ماتدخل ممرضه اقول جابوا السرير :09:
والساعه 9 ونص جابوا السرير واخذوني وحطوني بكشك العمليات وجلست 15 دقيقه قبل ادخل العملية جت الدكتوره صبا وسالتني وش اخبارك وكانت مبتسمه وهذا اللي خفف عني بعد الله وكانوا بيعطوني تحميلة بس الحمد لله الجنين كان صغير وما احتجتها ودخل علي دكتور التخدير وسالني كم سؤال وقال لاتخافين العملية كلها خمس دقايق وبعدين دخلوني غرفة العمليات وحطوا التخطيط وحطولي ابرتين ماادري وشي وجت الدكتورة ايه الله يوفقها وقالت لي لاتخافين ماراح احد يشوفك الا الدكتوره صبا وبيطلع دكتور التخدير وطمنتني الله يوفقها وبعدين حطوا علي الاوكسجين ونمت
وقمت وفيه الم في البطن اشد من الدورة وكان واقف دكتور التخدير عند راسي وقلت له فيه الم قوي وعطاني ابرتين مسكن وقال لي هذا الالم عشان الرحم يحاول يرجع مكانه ومن العمليه وماراح الالم وعطتني الممرضه ابره عضلية والحمد لله راح الالم وجلست ساعه بغرفه الافاقه وبعدها طلعوني لغرفتي
وكنت دايخة مره وقالوا لي لاتاكلين ولا شي ولا تشربين ولاشي لين حنا نعطيك ونمت شوي يمكن ساعتين وقومتني الممرضه وجابت لي شوربه وجلي وقالت عادي تاكلين لان مر على طلوعك من غرفة العمليات 4 ساعات
وبعدها بساعه جابوا الغداء وكل شوي يدخلون يتطمنون على الضغط والحرارة وجوا اهلي وجلسوا بس كنت دايخة وماادري وش يقولون هههههههههههههههههههههه
وقالت الممرضه لو تبين تروحين الحمام لاتروحين لحالك نادينا وعلى الساعه 4 ناديت الممرضات وراحوا معي الحمام دخت شوي بالحمام عشان كذا ضروري اي وحدة تبي تروح الحمام لازم تنادي ممرضة
وطلعت على الساعه 7 من المستشفى وقمت الحمد لله اليوم احسن من امس بس احس بدوخة بسيطة والم بالبطن خفيف ولا فيه دم يذكر
طبعا رأيي بمستشفى دله كانوا الممرضات رائعات رغم انه شفت بالمنتدى ناس يسبونهم بس يمكن لان كان زوجي معي فيمكن يخافون
حتى ممرضات العمليات كانوا روعه الدكتوره صبا ماشاء الله رايقه والدكتوره ايه رائعه بمعنى الكلمه وقالت لي ترا بتحسين بالم بالبول الله يكرمكم لاننا سوينا لك قسطرة وبكرا بيروح وقالت اذا حسيتي بالم حطي مويه عليك وقت البول الله يكرمكم
ورأيي بمستشفى دله رائع جدا وان شاء الله عقبال مااولد فيه يارب
طبعا انا ذكرت تجربتي عشاني كنت خايفه مرة وكنت اتمنى اشوف تجارب واقول لكم ترا ماله داعي الخوف مرة بسيطة العملية والله لا يكتبها على احد وكلكم يثبت حملكم يارب
رجااااء خاص لكم اخواتي كل وحدة تدخل الموضوع تدعي ان الله يعوضني بحمل سليم ثابت واشوف طفلي عاجلا غير اجل :26:
لابوتشيه @labotshyh
محررة
يلزم عليك تسجيل الدخول أولًا لكتابة تعليق.
لابوتشيه
•
اب
لابوتشيه
•
مشكورة اختي والله يرزقك الحمل الثابت ويتممه على خير ويرزقك الطفل السليم
14 وحدة ولافيه الا رد واحد
وين التعاون يابانت ماهقيتكم كذا اقل شي ارفعي الموضوع بدعوه
14 وحدة ولافيه الا رد واحد
وين التعاون يابانت ماهقيتكم كذا اقل شي ارفعي الموضوع بدعوه
الحمد لله ع سلامتك يالغاليه
والله يعوضك بدرزن عيال يصدعوا راسك من شقاوتهم
ههههههههه امزح
موفقه فديتك
والله يعوضك بدرزن عيال يصدعوا راسك من شقاوتهم
ههههههههه امزح
موفقه فديتك
ربنا يعوضك باذن الله ويخلف لك خيرا منها واعدي واقرايئ سورة البقرة وربنا يعوضك من فضله’’’’’’’’’
الصفحة الأخيرة