هل أوافق على شرطه ؟؟

قريت مشكلتك لامي وهذي نصيحتها لك : تقولك لا توافقين هذا خسيس وش يبي بفلوس حرمه الا لانه عنده نوايا بيتزوج بفلوسك ويطردك بكره شر طرده وينحرق قلبك على فلوسك خليك قويه وارفضي لا يركب على رأسك ويعرف نقاط ضعفك واللي نفسه فرقاه عيد بايعك ويتشرط عليك هذا تعبك المفروض محد ياخذه خلي فلوسك وبطاقتك ليومك الأسود فلوسك تعزك وتغنيك عن الناس انتبهي انتبهي وانتبهي . خلص كلامها 


الله يسخره لك ويهديه ويصلح حالكم 

ياقلبي والله من رائي ان ماله حق في راتبك حتى شرعاً لكن مدام رضيتي وقبلتي ما اقول الا الله يصلح حالكم وييسر امركم

حبيبتي والله والله ماينفعك بعدالله الا راتبك اذا هو مابقا ع العشره اللي بينكم والاطفال ولا خله يرجع لك ولعيالك الا الصرافه لاتعطينه هذا مافيه خير لا لك ولا لعياله

لاء هو ماشرط يأخذ صرافتي هو شرط ثاني لكن أنا أخاف أتنازل له وبعدين يقول هي رضت بشرطي علشان العيال ويبدأ يساومني على صرافتي

نعم ارجعي عشان أطفالك ،،، لكن ،،، بطاقة الصراف وفلوسك ماله دخل فيهم أبدا ... ما يعزك ويشيلك ويغنيك عن زوجك وعن ذل الأهل والناس إلا ( فلوسك ) بعد الله طبعا
لازم رجال من طرفك يدخلوا في الموضوع ويفهموا انك ما راح تصرفي ريال واحد ع البيت أو الأولاد
ولازم يكون لك مصروف منه ...
أن رفض شررررطك فما السلامه خذي شقة أو بيت ملك واجمعي أولادك عندك وعيشي حياتك بالطول والعرض
للبنت
شوفي أنا حاليا أعيش في مأساة مع زوجي وعندي أطفال ،، كان فقير شحات ،، مثل علي انه خلوق ورجال ويستحيل يستغنى عني ،، ضحك علي وأخذ فلوسي اللي جمعته من سنين سدد فيه ديونه من زواجه السسسسابق .. أخذها بكل سهوله ،، اجبرني أخذ قرض وأشتري فيه سياره جديده ،، ومنعني من ركوب السياره اللي صارت بس من حق اهله وخالاته

وقريباته، يطلعهم يتمشوا ويسافروا مع بعض وانا محبوسه في البيت ،، في الأخير صار يفتعل المشاكل ويهدد بمنعي من العمل عشان اخرج من البيت وحصل وبعدها تزوج ،، وانبسط ،،
حاليا افكر اشكيه للمحكمة عشان احصل على طلاقي وأحاول استرد لو جزء من فلوسي وشقاي وتعبي حسبي الله ونعم الوكيل فيه وفي كل إنسان ما يخاف الله ،، الله ينتقم منه ويوريني فيه عجائب قدرته ولا يهنيه لا في صحة ولا في وظائفه ولا في حياته