عطوني مشروع يدر علي غير تجارة البضائع

هلا المها

شوفي مافي شي اسمه ابي مشروع ويجيني ربح من غير صبر

مافيه الا الاسهم هي اللي ربحها في اليوم لكن متى اذا كنتي فاهمه فيها او عارفه احد له باع طويل بالاسهم يشغل اموالك لكن ترا حرقتها في الخساره اعظم


بحكم انك ما تبين التجاره

حطيها في استراحه واجريها يومي او شهري او حتى سنوي كيف ؟؟

مثلا سنوي بحيث كل يوم خميس من السنه معروف انها اللي مستاجرها فلان ادمي تكوني اجرتيه بالسنه ارخص من انه ياخذ الخميس في اليومي لكن هالفلان ما له دخل بيوم الجمعه وغيره من الايام

واجري بشكل يومي او نص يوم يعني من 6 الصباح الى 4 العصر ومن 5 العصر الى 3 الفجر وهكذا

وهذي فيها مربح لو كنتي في منطقه مأهوله بالسكان مثل الرياض وغيره وشيلي ايام العيد من القائمه السنويه لان ربحها كبييييير واسعارها غير

هذا اذا تبين سعر ماشي لك كل شهر بيجيك ربح


لكن الشقه التمليك هذي ارباحها ما تجيك الا بالسنه مره يعني فيها صبر خصوصا على حسب ضروف المستاجر

بس فيه عندك محلات الفول والتميس او محل البخاااري او مغسلة الملابس هذي ارباحها عاليه والمشروع تكلفته بسيطه مقابل الربح
بس شوفي لكناس يشتغلون صح فيه

والله يوفقك يارب

مشغل مغسله ماانصحك فيهم خصوصا اذا انتي من سكان الرياض

بالشارع الواحد 5 بقالات على 5 مثلهم مغاسل وزيهم مشاغل

لاكن فكره الاستراحه وانك تأجريها يومي مرة رااايقه

كل السنه مو بس فتره العيد والصيف بس يكون اجارك بالمعقوول وبمنطقه حلوة

مووووفقه اختي الله يرزقك ياكريم

اهم شي دراسة المشروع من كل الجوانب
ماتنفع العجله

تسلمون الله يوفقكم
دراسة المشروع أحس بيني وبين نفسي ما فيه شي يناسبني غير كذا بما إني مالي شريك ولا وكيل
أما المحلات لازم يتابعها رجال
ياليت ألقى عمل من المنزل بس المشكلة أحتاج أحد للتوصيل وهالأشياء
مشكلتي إني أبي أعمل بسرية