السفيداب أخيرا وصل بعد جهد جهيد

بنات كيف أحوالكم أنا أول شيء راح أقولكم إيش صار معايا بالتفصيل وإيش إلي خلاني أدور عالسفيداب وأجيبه وعشان تعرفوا قد إيش أنا كنت مغفلة وكان الرجال هذا يستغلني لأنه كان عارف إني أبغا السفيداب بأي ثمن وبأي طريقة نبدأ

أنا قريت في قسم البشرة عن السفيداب (الحجر الإيراني ) وعن فوائده التي لاتحصى من تقشير البشرة وتبييضها وتوحيد لونها وإزالة السواد من المناطق الداكنة وأن له مفعول فوري يظهر من أول استخدام طبعا أختكم ماصدقت وراحت جري على العطارين إنها تلاقيه مافي أمل وكأني أدور على إبرة في كومة قش إلين أتصلت على شيخ العطارين رد عليا واحد مصري قلتله لوسمحت في عندك السفيداب قالي إيوه :32: طبعا أتجننت أخيرا لقيته فقلتله أعطيني الوصف ووصفلي ورحت أعطاني علبة حجمها 50 جرام (الله يكرمكم علبة تحليل البول والبراز حقت المستشفيات أم غطى أحمر) قلتله بكم هذه قالي ب30 ريال يعني ال100 جرام ب60 ريال قلتله ليه مرة غالية والكمية قليلة راح قالي معليشي يامدام إنتي عارفة السفيداب مش موجود في السعودية وأنا بجيبوا من مصر
قلتله طيب وأخذته واستخدمته وفعلا يابنات والله الكل لاحظ إني بيضت ولوني أتوحد وأنا من أول استخدام لاحظت لمن خرجت بعد الإستحمام إن بشرتي لونها صار على وردي فصرت دايما أشتري منه بعدين زوجي طبعا عصب قالي هذا مرة غالي وإنتي كل مرة تاخذي 3و4 علب ايش هذا حرام عليكي دوري على أحد غيرة قلت طيب :44:
المهم روحت لأهل زوجي في آخر الأسبوع وأنا أبو زوجي تاجر ودايما يسافر إيران فقالي توصيني على شي من إيران روحت على طول أذكرت :23: وقلتله أبغا شي في إيران اسمه سفيداب (الحجر الإيراني ) قال طيب وسافر ورجع وهنا كانت المفاجأة الكبرى تخيلوا جابلي كيس مليان قلتله ليه كثير كده هذا مرة غالي راح ضحك وقالي هذا غالي ليه بكم بتشتريه فقلتله القصة راح قالي طيب ليه ماتبعيه وأنا أوفرلك هوا قلتله طيب وبعد ماحسبلي التكلفة وقيمة الشحن وقيمة الربح والجمارك طبعا لأن حايجبلي كميات كبيرة للتجارة الجمارك ماراح يسيبوه طلع إني راح أبيع ال50 جرام ب10 ريال يعني ال100 جرام ب20 ريال تخيلوا يابنات بربع القيمة وأنا كسبانة كمان المهم روحت وجبت علب بلاستيك حجمها 500 جرام يعني نصف كيلو وعبيتها وصرت أبيع العلبة ب100 ريال
وترى يابنات إلي شاكة فيا ممكن أرسلها عالخاص رقم الرجال وتروح وتشوف بنفسها
وهذه روابط مواضيع السفيداب


الإرانيات آه آه آه وياقلبي لاتحزن للأخت همس الشفايف

لإزالة حب الشباب عن تجربه للأخت Naemah

وصفة ممتازة للبياض للأخت الغصون

60 يوم فقط للأخت Bـــدر الـــBـــدور