يا هوه وش تبي ذالادميه .... وكيف اتصرف معها؟؟؟؟؟

السلام عليكم

سلام ومسا عالناس الكويسه :)


يا ناس فيه وحده من قرايبنا ما ادري وش تبي ... الا غصب طيب تبي توصل لي اني منيب حلوه

مع اني وربي يشهد علي احبها واحترمها ... بس فيه ناس ما ادري وش تبي !!

يعني مثلا مره كنا جالسين ونحكي عن مشاكل الغزل وقلت انه مره واحد فاضي وما يستحي لحقنا بسيارته الين البيت واشوا ان زوجي ما شافه والا كان صارت مصيبه ... ردت وقالت اكيد السياره كانت مضلله ومايدري وش فيها والا انكان مالحقكم .... استغربت من كلامها لان هذا مو موضوعنا اساسا


ومره دخلت المجلس اسلم على خوالي وهي كانت جالسه وفيه واحد من خوالي من زماااااااان ماشفته قال لي ما اصدق انك فلانه احسبك وحده من البنات الصغار .. طمرت هي ومحد حاكاها قالت تراك يا خالي ما تشوف زين انتبه لعمرك يمكن فيك بلا


ومره رحنا زواج وسالت عني وحده بتخطبني ويوم طلعنا من الزواج جلسنا نضحك على السالفه وهي قالت مو معقوله ذالعجوز اللي خطبتك شكلها اما مهيب صاحيه او ما تشوف زين


يعني موااااااااقف كثييييييره لو اقول لكم .... مدري وش تبي قسم بلله

آخرتها امس نمزح مع بعض ونقول كل وحده وش يبي لها تجميل وحده تقول ابي خدود ووحده تقول ابي براطم ونضحك هي نقزت بشكل ملفت وقالت انتي يبي لك اشياء كثييييييييره بصراحه

حتى تحطم بناتي مساكين صغار ماسوو لها شي .. لو احد مدح بنتي تنط وتقول ايه بس بتطلع سمرا اذا كبرت ... ولو مدحو شعر بنتي قالت موب مهم الشعر المهم الخشه ... مع ان المجلس يكون فيه ناس اغراب حتى اكيد يعيبون عليها بس تسوي نفسها خفة دم


المشكله اني ما اقدر ارد عليها او اسكتها لانه اولا مو طبعي ثانيا لها حق علي

كيف اتصرف صرت اكره اروح مكان هي فيه بس مجبوره ما اقدر