نورونار :
مشكلتك نفس مشكلة اخوي مع زوجته بالضبط نفس الشي مايحترمها وفعلا نفس كلام زوجك كان كلام اخوي لزوجته وجابت منه ولد وبنت وكله مشاكل وكله صراغ وكله يقول لها عقلك صغير وطايشه ومادري شنو لكن جا يوم وطفح الكيل وراحت بيت اهلها وجلست عندهم وحطت الموضوع بيد ابوها ومن جد بدون ماابالغ هي وابوها خلوه يمشي على العجين مايلخبطه وبصراحه مانلومها لان الحق حق وكنا احنا معاها الابو اتصل على اخوي وقال له على اللي سمعته من بنتي عنك ماكو نقاش بينا وبنتي بظل عندي اخوي جن جنونه ومن بعدها حاول ابو مرت اخوي يعذبه شوي قاله انا بسافر تقريبا شهرين لحد مارجع نتفاهم واياني وياك تتصل عليها او تكلمها لانها بجد ماتبي تسمع صوتك البنت كرهتك وماتبيك بس انا بحاول اذا رجعت بعد شهرين واخوي استخف بقى يتصل عليها وعلى امها وعلى عمامها وعلى خوالها لكن خلووه تعذيب شهرين ومن بعدها انحلت مشاكلهم كلها صار يحترمها وصار يخاف من يصرخ بدون شعور يروح يراضيها خايف انها تروح بيت اهلها وتنعاد السالفه وعلى فكره اذكر انها ماخذت العيال معاها عقابا له وتوهق فيهم واحنا بعد توهقنا وحسفناه وكل ماشاف عياله طفشانين تحسف زياده كتبت هالتجربه يمكن تستفيدين منها حبيبتي والله يوفقكمشكلتك نفس مشكلة اخوي مع زوجته بالضبط نفس الشي مايحترمها وفعلا نفس كلام زوجك كان كلام اخوي...
اتمنى اختي انك استفدتي من كلام الاخت
مو دائما لما نخبي مشاكلنا عن اهالينا يكون الامر في صالحنا
احيانا لازم وضروري الاهل يدون بالمشاكل عشان كل طرف يعرف حدوده
مو دائما لما نخبي مشاكلنا عن اهالينا يكون الامر في صالحنا
احيانا لازم وضروري الاهل يدون بالمشاكل عشان كل طرف يعرف حدوده
الله يعينك ويسخره لك يارب....الله يعينك ويسخره لك يارب....
الصفحة الأخيرة
هو لانه للحين ماجرب فراقك وعلى باله مهما سوى ماراح تسيبيه
حاولي تحسسينه انه خسرك وتغيري عليه كم اسبوع وراح ينعدل
زوجي كان كذا بالبداية استغل ظروفي على باله مااقدر اروح لاهلي
لان الوالدة متوفيه الله يرحمها وابوي وزوجته مايحتاج عنهم كلام
وصبرت لحد مافاض كيلي ورحت جلست شهرين كابر كابر لحد ماتعب.. يقول فريت القران فر عشان ربي يرجعك لي( يعني يقرا فيه باسمترار)
ورجعت بشروطي
واولها انه يتغير ويحترمني لاني محترمة معاه
والحمدلله من يومها وانا مرتاحة صحيح يجي بيننا مشاكل لكن مو استهتار وقلة حيا زي زمان
مدام يحبك ريحي بالك
اما في الامور الثانية لاتناقشيه في الضعف او .. او.. بس بيني له انه محتاجة منه حب اكثر
الله يوفقك ويهدي سرك