ياأخوات أنا مو العضوة الي شاف صورها زوجها بس نقلت لكم الموضوع من باب إنكم تطمنو عليها مو كل وحدة ترسلي عالخاص أنا نقلت ردها وبس ونك نيم تبعها golden eye وأنا ماعرفها لامن قريب ولا من بعيد
الأخت اللي شاف صورهازوجها هذا ردها
كيفكم اخواتي ،، شكرا على كل وحدة ردت علي سواء بدعوة او حابة تتطمن علي ،، و حتى اللي قالت عني سيئة عادي ما راح ازعل ، يمكن قالتها لي في وقت عتاب و زعل من تصرفي ،، و اللي قالت لي كلامك متناقض ما ادري في ايش متناقض ، ما فهمت عليها و اصلا ما عندي وقت عشان ارتب الكلام ، يمكن عشان كده ،، و اللي تسألني احتفظت بالصور لسبع سنين اقولها ايوه احتفظت فيها بس لا تسألوني ليش و طول ما هي عندي ما شفتها و لا مرة ،، لاني بنفسي ما اعرف الاجابة ، بس و الله مو محبة فيه و ربي يعلم ،، انا احب زوجي و بس ، و اطمنكم و اقولكم الحمدلله اتراضينا انا و زوجي اليوم قبل المغرب بشوية ، من امس وضحت له وجهة نظري و هو عاتبني عتاب قوي و قاسي شوية بس الحمدلله زوجي مو من النوع اللي يمد يده او يسب الحمدلله ، بس انا كنت خائفة بس انه يفقد الثقة في و ما عاد يصدقني ،، بس الحمدلله ربي عداها على خير ، امس فليل قسي علي و اليوم الصباح كل واحد راح لدوامه و رجعنا و هو نام و انا جلست مع امه و لما قام اتراضينا و قلي انه يحبني اكثر من اي وقت ثاني و كمان انه طلع من البيت من ضعف منه بس عشان لا يهز صورتي قدام اهله و اخواته عندنا من يومين عشان الاجازات ، قلي لو اتكلمنا وقتها يمكن كنا اتهاوشنا و ما وصلنا لاي حل و خروجه من البيت عشان يقلل الخصام ،، و الحمدلله قبل المغرب اتراضينا و صلى المغرب في المسجد ، كنت طالبة شحنة من الصين ووصلت اليوم و بعد ما طلع من المسجد دق علي و قلي تعالي نروح نجيبها و رحنا جبنا الشحنة و طول الطريق و هو يدلعني ، و بعدها رحنا اتعشينا و جيبت قبل شوية ،، و قلت اطمنكم علي ، و اللي قالت لي زوجك حنون لا تخافي صدقت في كلامها ، و شكرا لكل وحدة دعت لي ووقفت معاية و نسيت اقولكم الصور شقيتها و رميتها ، و دعائكم لي بالذرية الصالحة و لكل وحدة معانا في المنتدى ربنا يزرقها و اللي مو متزوجة ربي يزوجها و يصلح حالها يا رب ،
أحب أختي @ahb_akhty_2
محررة
يلزم عليك تسجيل الدخول أولًا لكتابة تعليق.
اسود وابيض
•
الحمد لله على كل حال
انا اللي قلت لك سيئه بصراحه اتضايقت منك هذا مو تصرف سليم .. عموما على البركه رجعتوا والله يديم المحبه انتبهي لزوجك وحافظي عليه ياقلبي
ماشاء الله ..هو فيه رجال لحد الان بهذي الاخلاق وهذي الطيبه والمروءة؟؟؟؟؟ ..الله يدحر شياطين الانس والجن عن المسلمين اللي يخافون الله..
الصفحة الأخيرة