حالتي حاله وطبخي رايح فيها اللي تساعدني لها دعوة من قلبي تلاقيها بالداخل..

شوفي يالغاليه الطبخ يبي له طولت بال بالنسبه للرز او الكبسه
اسهل شي حطي دجاجك علي النار بعد تنظيفه وحطي معاه ملح وبهاراتك بالنسبه للملح لو تحطين شوي وتذوقينه لين تحسين ان الملح مظبوووط وبعد مايتوي طلعيه وحطي الدجاج او اللحم طلعيه من الموي وحطية بصينية الفرن وحطي عليه الخلطه اللي هي ملعقتين معجون طماطم وفنجال مويا رشة ملح بهارات شوي وحطيه علي الدجاج او اللحم ودخليه الفرن يتحمر وبعدييين سوي الرز عادي اتمنى انك فهمتى علي ومعليش طولي باللك والاخوات هنا بالمنتدى مايقصرون كل شي يسوونه مع الصور<<<<<< طولتها بالكلام بس احس الطبخ يبي له طولة بال واي استفسااار انا جاااهزة

انا راح اقول لك الايدام فاقدر العادي يحتاج وقت ع نارواطيه يعني تحطين الدجاج والخضار سوى على نار واطيه والايدام المسبك احلا يعني كثري بصل وطمام
الكبسه في قدر الضغط اولا اللحمه او الدجاج طبعا اللحمه تاخذ وقت اطول يعني نص ساعه الدجاج ربع ساعه بعد ما يصفر رخيه بعد ماتستوي اللحمه اوالدجاج اذا بتكبسن الرز عليها خاصه الدجاج عشر دقايق وطلعيه وحطي الرز يكون فوق الرز بقدر بسيط بحيث انك تشوفين الرز وثم رجعي الدجاج او اللحمه واتركيه لمدة عشر دقايق بعد ما يطلع صوت الصفار رخي عليه المكرونه اذا بتسوينها بكشنه افضل انك تكثرين مويتها والطماطم والعجون عشان تكون مسبكه اما اذا صينيه فعادي تستوي يعني سلق في ماء ملح زيت عشان ماتتلاصق وكثري الماء شوي ولا تغطينها عشان ماتكب المويه اذا فارت رخيها بالنسبه للبشاميل افضل طريقه للمتعله انك تحطين جميعا المقادير فالخلاط من دقيق وحليب وبيضه وملح وماء واخلطيها بعدين في قدر عالنار حتى تثقل مع التحريك المستمر
بالنسبه للحلاء فالموضع سهل وانواع الحاويات فالقسم كثيره وتعتمد كلها عالدريم ويب والقشطه والبسكوت والكيك والحليب والجبنه الكيري والنستله وان شاء الله تحصلين فالمنتدى ضالتك وقت طبخ الايدام نص ساعه

انامستعده اساعدك اي طبخه تبغي اطلبيهابس ادعيلي ان احمل هذاالشهروتنجح عمليه التلقيح وهذه طريقه رزفي قدرالضغط جيبي القدروحطي فيه بصله مفرومه مع فصين ثوم وحطي فنجان قهوه زيت وخلي البصل يتحمرشوي وجيبي جزره كبيره وابشريهاوحطيهاعلي البصل وحركي شوي وثم حطي حبتين ماجي وورقتين ورق غاروعودقرفه وحركي ثم جيبي كاستين رزمغسول كويس وحطي على البصل والجزروحركي وحطي ماءومقدارالماء بس يغطي الرزبواحدسم وغطي القدركويس وخفضي النارمره واحسبي 10دقائق بس وقدميه مع دجاج تندوري اودجاج مشوي في الفرن وطريقه الدجاج التندوري حضري دجاجه وقطيعيهاالى اربع قطع وحطيهافي زبديه وحطي عليهاعلبه زبادي وملعقتين معجون طماطم ونصف حبه ليمونه معصوره وملعقه خل وملعقه صغيره كل من (كزبره ناشفه -فلفل اسود-كمون -بهارات كاري -وبهارات تندوري )وفصين ثوم مهروس وملعقه طعام زيت الزيتون وخليهاتتنقع لمده ساعه اونصف ساعه ودخليهاالفرن وخليها تستوي من فوق ومن تحت 45دقيقه وقدميها مع الرزوهذه طريقه بسبوسه
كاس سميد
كاس سكر
كاس حليب بودره
علبتين قشطه
1 فنجان زيت
1 ملعقه صغيره بكنج بودر

>>تخلط كل المقادير وتدخل الفرن على نار هادئه حنى تنضج<<

الشيره

3 فناجين سكر
علبه حليب بوني السايل

تغلى على النار ثم تبرد

ونصبها بارده على البسبوسه حاره
وتبرد
وتقطع
وتوكل بالعافيه سويهاوواسمعي انواع المدح واناتحت امرك بس ارسلي برساله خاصه علشان نادراماارجع الى الموضوع اتمنى لكي التوفيق بس لاتنسي الدعوه

اتوكلي على الله وادعي ربك ان يسهل لك كل شي
اذا الوالده موجوده خليها تعلمك او اخواتك الكبسه طريقتها المعروفه والرز اذا كان بقدر الضغط خلي المرق ارتفاعه بس يغطي الرز وبس يصفر وطي على النار واحسبي له عشر دقايق والدجاج 15 دقيقه واذا ماستوى زين خليه 20 بيريحك هالقدر والايدام بقدر الضغط 15دقيقه والنار متوسطه وكل يوم اطبخي عشان تتعلمي ومووووفقه ياقمر

الله يعينك ..اول شي لا تخلين الطبخ هم او مشكله كل شي نتعلمه من البدايه حبه حبه ..

خذي لك كتاب الطبخ النخبه او منال العالم وطبقي الموجود بالحرف والمقدار وراح تبدعي ..الله يعينك ويسهل عليكي وتري مافيه اسهل منه

اوامتع منه وبتوفيق واي طبخه انا حاضره ارسلي على الخاص ولا يهمك..