بنــــــــاااات ابي ازوور اخوي بأمريكا :( ..

وعليكم السلام ورحمة الله وبركاته ..

الفيزا صراحة قمة التعطيل .. اخدت مننا 3 شهور .. عشان قفلوا السفارة . احسن تقدموا من دحين عشان يجي الصيف وهي عندكم ..

السعر 800 ريال للشخص ..

ماينفعكم الجواز مادام مو كلكم عندكم .. ولا تشفع لكم السنوات الطويلة اليي قضيتوها هنا ..

طبعاً فيزتنا دراسة مهي زيارة وبرضه عكسوها يقولنا الموظف مين راح يدفع لكم تكاليف الدراسة .. تقولي جايين نشحذ ..

اهم شي تروحوا من دحين لانه الوضع كل ماله على ورا .. سمعت انه الصف يبدأ من الليل .. على ايامي كنا نروح من 7 في الصباح نوقف في الشارع والساعة 8 نروح نصف قدام السفارة الين يحنوا علينا وندخل .. ولو عندك مراجعة نفس الشي ..

واحيان يبغالكم تروحوا كلكم .. ايش كمان ؟؟ ايوة خدوا كل شي تحتاجوه حتى اوراق بعثة اخوك واقامته لو عندكم منها نسخة ماتدري ايش يطلبوا ويرجعوكم البيت عشانها ويبغالكم ترجعوا يوم تاني ..

واي سؤال انا حاضرة ..

يووه كل هذا !! .. مايسوى عليناا .. بس من متى هاالكلام ؟؟

ماتتوقعين الظروف الحين تغيرت ؟

ومره شكرا على الرد :) ..

انا توني الصيف اللي جاي مغتربه وصار معي اعظم من البهذله اللي قالت عليها الاخت
انصحكم تقدموا من الان على الفيزا .

انا قدمت في نوفمبر 2004 وجاتنا في فبراير 2005

اسفه اختي غلطة مطبعيه انا جيت الصيف الماضي