بنات من صار لها مثلي امس الاحد 10/10؟؟؟

بقولكم وش صار معي بالحرف وانتم احكموا
وهدفي من الموضوع انه معقولة فيه ناس يورطون ناس مثلهم بالارقام مدري وش اقول على الي صار
فيه احدى العضوات قبل كم يوم قالت من تبي وظيفة بجامعة الامام الي بالنفل تقدمين السبت وتتوظفين الاحد والي تبي تراسلني على الخاص
قمت وراسلتها وعطتني رقم استاذة واسمها اتصل عليها ومن فجر السبت وانا انتظر الساعة 9 عشان يكون اتصالي مناسب وجاهزة عشان اروح واتصل واتصل واتصل ماحد رد يعني جوال ورقم خاص ولااحد يجيب
قلت يابنت ارجعي نامي مالك نصيب ومارحت عشاني ماعرف الوصف
جاء امس الاحد قلت خلني اجرب الاتصال الساعة11تقريبا واول اتصال ردت وقفلت قلت الحمدلله جاني الفرج واعيد الاتصال وترد وهي معصبه تقول غلطانة غلطانة قلتها وانتي تعرفين من انا وش ابي عشان تقولين لي غلطانة قالت اية قلت لها بكل برود وهدوء بسحب عصبيتها من حط رقمك بالمنتدى ويرسله على الخاص وانتي مو صاحبة الشأن قالت :مدري؟ ولو اعرف بيكون هذا وضعي ! مسكينه لها يومين وهالاتصالات عليها بالهبل
الحين مدري من الصادق؟ الي عطتني الرقم وخلتني ازعجها بالاتصال والا هي قالت كذا عشان تتخلص من كثرة المتصلين
وهل فيه احد بينتقم منها ونشر رقمها واسمها ؟؟؟
الله يستر علينا يابنات اذا فيه نوعية بينا ينشرون ارقامنا على اننا مسؤلين بوظائف اوغيرة ؟؟؟؟