عطوني طريقه واااااضحه لورق العنب والملفوف ياسنعاااات

http://forum.hawaaworld.com/showthread.php?t=1600447

تفضلي حبيبتي

انا لسا منزلتو من كم يوم

ازا عندك اي سؤال احكي حياتي

up

هلا أختي رتاج يعطيك العافيه بس مافهمت الليلنجي هو ورق العنب والا أيش تلخبطت لما قريت الكلمه مافهمتها

وبالنسبه لدبس الرمان ضروري أضيفه والاممكن أستغني عنه

وماشيه مضبوط معاكي لكن من بعد ماحطيتي ورق اللف فوق ورق العنب مافهمت اللي بعده

أرجو التوضيح وشكرررررررررررررا

عزيزتي اليالنجي يعمل بورق العنب والباذنجان والكوسا ايضا وكل واحدة نكهتها اطيب من التانية والتتبيلة \رز منقوع ومصول زيت بلدي حمض بندورة بصل نعنع اما يابس او اخضر دبس رمان وفليفل حرة حسب الرغبة وسر النكهة رشة بن وطبعا ملح فلفل
اما الورق عنب اي اليبرق بالسوري تتبيلته رز منقوع ومصول رشة عصفر ملح فلفل صحة وهنا

هلا حياتي

الدبس يفضضضضضل انك تحطيه حياتي لئنو بيعطي طعمة كتير طيبة

و ازا ما عندك مو اشكال برضو بمشي الحال

هلأ احنا بعد ما لفينا ورق العنب و صفيناه بالصينية حطينا عليه ورق العنب الغير محشي و حطينا فوقهم صحن عشان التقل ماشي ؟
هلأ بنضيف المي اللي تصفت من الحشوة و احنا بنحشيها

ازا انتبهتي بالخطوات ان حاطة الحشوة بمصفاية عشان تنزل ميتها و تساعدن بالحشي

هاي المي بنديرها عالورق بعد ما نحشيه و نحط الصحن عليه

و بنجيب كاسة مي بندوب فيها معلقة صغيرة ملح و بنديرها فوقهم بالطنجرة

بس راعي مستوى المي ما يرتفع كتير عن مستوى حواف الصحن

بعد ما تغلي المي وطي النار على اوطى شي و احسبيلها ساعة و نص

بعد الساعة و نص حاولي تصفي المي الزايدة بدون ما تشيلي الصحن عشان ما يتغير لون الورق عنب للسواد

بعد ما تصفي المي رجعي غطي الطنجرة و اتركيه يبرد ليسير بدرجة حرارة الغرفة بعدين شيلي الغطا و شيلي الصحن و ورق العنب اللي حطيناه تحت الصحن و صفي ورق العنب المحشي بصحن التقديمم

ان شاء الله تكوني عرفتي كيف علي

ازا في شي ما فهمتيه احكيلي حياتي ببسطلك ياه كمان