كارثة الاربعاء في بيتي

الأسرة والمجتمع

السلام عليكم يابنات كارثة يوم الاربعاء الاسود حصلت في بيتي يوم الاربعاء بس ماهو من السيول من اللي يفترض فيه يكون سندنا وحامينا من الشخص اللي مفروض يدخل علينا السرور والرعايه من زوجي وابو اولادي هو مريض نفسي وقفنا جنبه وسندناها واحتويناها وسامحناه عن كل ظلمه لنا واهماله واللي يبي تعرف تدخل مواضيعي والله ما اعرف احط روابط المهم يوم الاربعاء ثار بدون سبب مجرد نقاش بينه وبين اولاده على واعتدى علينا وسوى اللي ما احد سواه وهددنا بالقتل وطبعا انا خفت على نفسي واولادي وخرجت من البيت وسافرت لاهلي حسبي الله عليه شتتنا واحنا في استقبال عيد وفجع الاطفال وادخل الحزن على قلوب الكبار انا مصدومه صار لي اسبوع ما اني مستوعبه الصدمه الليله اللي فقت واستوعبت اللي صار وهذي مو اول مره يعتدي علينا وهو فاقد عقله ويهذي بكلام مجانين يقتلني الحزن على شتات اولادي ولكن وضع ابوهم صار جدا خطر علينا هو يرفض متابعة العلاج ويزعم انه طيب ويهدد ويتوعد كل الناس ويفخر كثيرا بنفسه وما اني عارفه اش اسوي اولادي وبناتي وانا في بيت اهلي احس ان وضعنا مو طبيعي لدي ولد وبنت في الكليه وصغار في المدارس والشغاله في نفس اليوم مع الخوف هربت وانا في حاله مايعلمها الا الله حاسه اني سويت ربكه في بيت اهلي وان بيجي يوم يتضايقون منا مع ان الكل يقول بيتنا يشيلك وابوي يقولي هذا مريض وانتي في حمايتي واولاده بكيفه هو وياهم الله لايرده انا خايفه على اولادي منه احيانا اقول اتقدم بشكوى للشرطه واحيانا اقول اروح للاماره تشوف لي حل وتلزمه يصرف على اولاده وتحميهم منه انا معلمه احيانا افكر اخذ بيت واستقل انا واولادي تكفون يابنات انا امثل الصمود والقوه امام اهلي ولكني اتألم واحتاج للمواساه واسوني وادعولي ينصرني ويأخذ حقي منه وشوروا علي فكروا معي هو ماينفع معه تفاهم ومستحيل اخاطر بحياتنا وارجع يابنات عنده خلل عقلي واضح من تصرفاته وكلامه
89
9K

يلزم عليك تسجيل الدخول أولًا لكتابة تعليق.

تسجيل دخول

222amal
222amal
اه يا حبيبتي شو زعلت عليكي لكن ما بملكلك غير الدعاء والله يفرج همك ويشفي زوجك شفاءا لا يغادر سقما ويصير بينكم حب والفة واحترام والله يهدي بالكم
أسيررررة الحب
الله يعوضك بأولادك ان شاء الله
ملامح بنت خجوله
الله يشفيه يارب ويحنن قلبه عليكم وبلم شتاتكم انا اقوول خديلك بيت ولمي اولادك تحت جناحك هم بحاجه لك لانهم فاقدين حنان الاب فنتي عوضيهم لا يلجأون لغيركامااااااااااااانه اهتمي فيهم وربي يعوضك فيه خير ربي يصلح حال زوجك
miss-nono
miss-nono
اكيد بيجي اليوم الي بيحس انه محتاج لكم وبيرجع..
اذا طلبك ترجعين اشرطي عليه انه مايترك العلاج (اذا مايهمه صحته) من اجل اطفاله ونفسيتهم..
او كلمي امه او ابوة واشرحي له الموضوع واطلبي انهم يكلمونه
وان شاء الله ربي يهدية
يا اختي المريض يبي له معامله خاصه.. وتدارونه.. يبي له صبررررررر وقت العلاج.. وحاولي تبعدين اولادك عنه وفهميهم انهم مايحتكون معه كثير وإذا بغو شي يطلبونه منك..
نونوخالد
نونوخالد
تراه مريض نفسي ممكن يتهيء له اي شي ويقتل انا بسال عيالك معك ولاعنده