بكريه واطلب مساعدة

وانا بكريه وداخله التاسع
وودي اعرف ؟؟؟

اولا يااقلبي جهزي شنطتك وشنطة البيبي واهم شيء بعد ما تطلعين من الولاده على طول تشمين عطر وتتعطرين لانك لو ما شمتيه سبحان الله وشمتيه بعد يوم او يومين على طول يلتهب جرحك
وبالنسبه للفوط في فوط كبيره خاصه للنفاس ناسيه اسمها لاكن الصيدلي اذا قلتي ابي فوط نسائيه للنفاس كبيره بيعطيك هي
وبالنسبه للمرهم اسمه ميبو ممتاز جدا انا في ولاداتي الخمسه استخدمه حتى سبحان الله يخدر المنطقه ما يخليك تتالمين
والعطار خذي قشر وكمون على شان البيبي ويانسون وشمر وحبه سودا ومره على شان تغسلين فيها الجرح ممتازه نقعيها في ماء واذا دخلتي الحمام الله يكرمك غسلي فيها الخياطه
وبقولك على طريقه اكله تسوينها وتخلينها في علبه واذا رحتي المستشفى خذي العلبه معك وكلي منها تعطيك صحه وتخليك قويه
باذن الله طبعا

اولا تاخذين قدر وتحطين فيه ملعقتين سميد حق البسبوسه وتحطين معه ملعقتين سمسم وتحمسينها شوي بعدين تحطين تقريبا 11 او 13 تمره من غير النوى وتقلبينها الين يلين التمر وبعدين تحطين عليها ملعقه صغيره حبه سودا ونص ملعقه حب الرشاد وتحطين عليها قطعه صغيره زبده او سمنه وخلاص حطيها في علبه محكمة القفل على شان ما تنشف وكلي منها من اول ما تولدين هذي تنضف البطن وتعطيك قوة وتذر الحليب باذن الله
والله يقومك ويقومنا بالسلامه ياارب ويرزقني بولد صالح

الكريم=ميبو - بعد ماتغسلي بالغسول تجففين المنطقة كويس بمناديل رول غير معطرة لازم تجففين ثم تضعين الكريم
الفوط=فام حجم كبير ماتحسس خذي كرتون كبير وكل مادخلت الحمام غيري حتى لوهي نظيفة
الغسول=بيتادين طبي وانا استخدم(مرة -ملح خشن -أرطا)=احط بقدر كسرة مرة وفنجال ملح وقبضة اليد ارطا مع ماء تقريبا 4 كاسات وتغلي ربع ساعة واذا بردت توضي فيها
أما أغراض العطارة فاختاري أحد الأنظمة الموجودة في المنتدى(قشر قهوة-فيافي-العامرية) والأهم الحلبة في 10 ايام الأولى والرشاد في الباقي-ودايم اشربي قرفة-وان حصل تقهوين قشر والعصر شاي اعشاب وتضعين بمقادير متساوية ملعقة (نعناع-كمون-زنجبيل-شاي اخضر-شمر) في ترمس ثم تصبين ماء مغلي وبس
-اهم شي تدفي بنطلون وشراب والله يهون عليك وعلي وكل حااااااااااااامل

رفع

جزاكم الله خيررررررررر يارب