قسم بالله ببكي تعالوا شوفوا وش صار بغرفتي

المنزل والديكور

احنا بننقل لبيت جديد الموهم قال ابوي كل وحده تختار ديكور غرفتها عاد وانا اشمر عن ذراعي وهات يا فرفرة بقوقل لما لقيت اللون اللي في بالي ما ادري كيف اوصف لكم الغرفة با ختصار خيال اخذت الصورة وديتها لابوي وعطاها عمي طبعا عمي العزيز اذا ما جاز له شي يغير من راسه من غير ما يشاور الله يسامحه مدريوش اشوي تخيلوا راح حط اللون في غرفه اختي الصغيرة بس بديكور غير طلعت الغرفه خقاااااااااااااق عاد هو يكلم يقول الغرفه الموف تهبل وانا انتفخ راسي من الوناسة يا حظي المقرود ما دريت انها غرفة اختي ادري تعبتوا من الهذرة بس تحملوني نرجع للواقع المرير اغمض افتح يوم شفت غرفتي تخيلوا حظانة مدري غرفه بيبي ابو6شهووووووور ولا حظوا انا في الجامعه صيحت بكيت قلت باخذ الغرفة ياحنين بدلي قالت لا عاجبها اللون تكفون قولولي رايكم فيها وش ادخل معها الوان الله يخيلكم انا مو متحملتها وابوي رافض اغيرها



99
12K

يلزم عليك تسجيل الدخول أولًا لكتابة تعليق.

تسجيل دخول

miss.hatosh
miss.hatosh
يووووووووووه الله يعينتس ..

دخلي معها فوشي او اخضر فاتح ..

او ارسمي عليها رسومات

او حطي طابعات ..

.. او سوي تجليد ..

الله يهدي عمتس ..وابوتس ..
أم أســيـــل
أم أســيـــل
سوي اضراب وطالبي بتغيير اللون مو حلوووو صايره غرفة صبي مو بنيه
همة و طموح
همة و طموح
الله يعيييينك

بقووول لك خطه أتوقع تنفع

روحي سوي للوالد كأسة عصير بليمون ,, لزوم نفك المزاج

وبعدين قولي ياببتي جعلك بالجنه ... والله انك ماشورتنا في الديكورات إلا تبغى رحتنا
والله يايبه منب مرتاحه ولاهو عاجبني لون الغرفه وانا قلت موف بس الخطأ من عمي ربي يهديه

ويايبه هذا بيت ملك موكل مره نبي نغيره غير على الاقل لون الازرق ،،،، عاد انتي حطي مع الابيض اي لون يجي

وقووووولي وانا والله يايبه عنك غالي واعرفك ماترد لي طلب وادعيليه وقومي حبي راسه ويدينه


وان شاء الله يوافق

بس ادعي ربي يلين قلبه علييييييييك

لن بيني وبينك احسها لون غرفة اولاد مو بنات



واذا مررررره كاسة العصير وحبة الراس واليد مانفعت

اشتري استكرات من ايكيا ومع الاثاث والاضاه يتغير شكل الغرفه أن شاء الله


وبالتووووفيق عاد بشريني على الخاص لن ماراجع للموضوع
همتي عالية كالنجوم
بالعكس روعه اللون
دخلي عليها تفاحي
والاثاث خليه ابيض
همتي عالية كالنجوم
ازرق ولا موف؟؟