ماهو رأيج في موضوع

الأسرة والمجتمع

أنا مخطوبة قريب وطبعا ماشفت خطيبي ولاكلمته بس أنا فكرت أني أقدم له هدية في العيد بس حرمة أخوي عارضت الفكرة وخواتي وقالوا أنه هو لازم يبدا بس أنا أفكر أن هذا العيد على الأقل يحس أني مهتمة فيه .........ز

ألحين اللي عندها رأي تخبرني فيه لاني أحس أن السالفة وايد صايره بارده وماأحس أني مخطوبة لدرجة مرة نسيت أني مخطوبة ونسيت اسم خطيبي بليز ساعدوني
6
519

يلزم عليك تسجيل الدخول أولًا لكتابة تعليق.

تسجيل دخول

همس الطبيعة
همس الطبيعة
هلااا بنت بلاادي :)

نصيحة حبيبتي لا تبدين بالهدية خلّيه هو يبدى وانا مع حرمة اخوج وخواتج
والله لو تشوفين حالتي قبل كااانت أبببرد من البرود لكن الحمدلله شعللت بعد فترة :30:
فالصبر ثم الصبر ثم الصبررر ولاااا تستعجلين أبددد:(
أدري والله كيف هو إحساسج لأني مريت بنفس الحالة


وبعدين ما وضحتي أكثر يعني انتي بس مخطوبة ولا مالجة بعد؟؟
إذا بس مخطوبة فأنصحج أبددددد لا تبدين بشي
ولا تستعيلين كل شي في وقته حلو يا حلووو :)


ع فكرة تراني بعد من دار الزين:)

وأي سؤال ثاني تراني حاضرة:27:
نــور الـلـيـل
ابد اختي لاتبدين مو حلو تكونين انت البدية وانا مع مرة اخوك وخواتك
الله يوفقك
Um SoSo
Um SoSo
لا تبدين لا في هديه ولا مكالمه ولا مسج ولا أي شي لأنه راح يقول ماصدقت أحد يخطبها
الفردوس المفقود
انا مع البنات لا تبدين ولا تفكرين ترسلين له هدية حتى ما تطيحين من عينه بيقول وش هذي بتموت علي لان رجالنا للاسف يمشون بالمقلوب ..
بــوح
بــوح
لا تهدينه شي
بيقول وش هالصرقعة اللي عندها ههههههههه
خله يهديك اول